سەربيا مەن چەحيادا سۇحبات تالقىلاندى

ينستيتۋت ديرەكتورى برانيس­لاۆ دجوردجەۆيچتىڭ ايتۋىنشا, قازاقستاننىڭ ترانس­فور­ما­تسيالىق جولى سەربيالىق ساراپ­شىلار قاۋىمداستىعىنىڭ قىزىعۋشىلىعىن تۋدىردى, وسى­عان بايلانىستى, سەرب تاراپى قازاقستاننىڭ اكادەميالىق جانە «تالداۋ ورتالىقتارىمەن» ارىپ­تەستىكتى دامىتۋعا ۇمىتتەنەدى.

كەزدەسۋ قورىتىندىسى بو­يىن­شا, سەربيالىق شولۋشى­لاردى قازاقستاندا بولىپ جات­قان ىشكى ساياسي ۇدەرىستەرمەن, سونداي-اق ەلىمىزدىڭ سىرتقى ساياسي باسىمدىقتارىمەن تانىستىرۋعا باعىتتالعان بىرقاتار تاجىريبەلىك جوبانى ىسكە اسىرۋ جونىندە ۋاع­دا­لاستىققا قول جەتكىزىلدى.

حالىقارالىق ساياسات جانە ەكونوميكا ينستيتۋتى – 1947 جىلى قۇرىلعان جانە حالىقارالىق قا­تى­ناستاردى زەرتتەۋگە ارنالعان وڭتۇستىك-شىعىس ەۋروپاداعى ەڭ كونە عىلىمي-زەرتتەۋ ينستيتۋت­تار­دىڭ ءبىرى.

بۇدان بولەك, قازاقستاننىڭ چەحياداعى ەلشىسى باقىت دۇيسەن­باەۆ كورنەكتى ساياساتكەر جانە ەكونوميست, چەحيانىڭ ەكس-پرەزيدەنتى ۆاتسلاۆ كلاۋسپەن كەزدەستى. اڭ­گىمە بارىسىندا حالىقارالىق جانە ىشكى ساياسي كۇن تارتىبىندەگى وزەكتى ماسەلەلەرى, سونداي-اق قازاقستان مەن چەحيانىڭ تالداۋ ورتالىقتارى اراسىنداعى ىنتىماقتاستىق پەرسپەكتيۆالارى تالقىلاندى.

قازاقستان ديپلوماتى سۇح­بات­تاسۋشىنى قازاقستانداعى اعىمداعى جاعدايمەن جانە پرە­زيدەنت قاسىم-جومارت توقاەۆ باستاماشىلىق ەتكەن ساياسي جانە ەكونوميكالىق رەفورمالاردىڭ بارىسىمەن ەگجەي-تەگجەيلى تانىستىردى. اتاپ ايتقاندا, رەفەرەندۋم اياسىندا قابىلدانعان كونس­تيتۋتسياعا ەنگىزىلگەن وزگە­رىس­تەردى ءتۇسىندىرىپ, سايلاۋ زاڭ­ناماسىنداعى پروگرەسسيۆتى جاڭا­لىقتاردى اتاپ ءوتتى. ەكونو­مي­كا­لىق ءوسۋدى ىنتالاندىرۋ شارالارى جانە ۇلتتىق ءال-اۋقاتتى جاقسارتۋ جونىندەگى باسقا دا ماڭىزدى قادامدار تۋرالى حاباردار ەتتى. سونداي-اق قازاقستان ەلشىسى مەملەكەت باسشىسىنىڭ «Egemen Qazaqstan» گازەتىنە بەرگەن كەڭ كولەمدى سۇحباتىنىڭ نەگىزگى تۇستارىمەن تانىستىردى.

ۆ.كلاۋس قازاقستاننىڭ جا­ھاندىق جانە وڭىرلىك دەڭ­گەي­دە قول جەتكىزگەن جەتىس­تىكتەرىن جو­عارى باعالادى جانە قازاق­ستاندىق تالداۋ ورتالىق­تا­رى­مەن ءوزارا ءىس-قيمىل ورناتۋعا قىزى­عۋ­شىلىق ءبىلدىردى.