فوتو: gov.kz
بوس ۋاقىتىندا شىعارماشىلىقپەن شۇعىلداناتىن راي ورازبەكوۆ شىعىس قازاقستان وبلىسىنىڭ زايسان قالاسىندا دۇنيەگە كەلگەن. قۇشتارلىعى مەكتەپتە جۇرگەندە ويانعان ول ستۋدەنت كەزىندە دە مۇسىنشىلىگىن جالعاستىرعان.
2019 جىلى راي ورازبەكوۆ گۆاردەيسك گارنيزونىنان وسكەمەن قالاسىنىڭ 27943 اسكەري بولىمىنە اۋىسادى. جاڭا قىزمەت ورنىندا باسشىلىق ەسىمى اسكەري بولىمگە بەرىلگەن قازاق باتىرى قاسىم قايسەنوۆتىڭ ءبيۋستىن جاساۋدى ۇسىنعان.
«بۇل مەنىڭ ومىرىمدەگى ەڭ قىزىقتى ءارى جاۋاپتى ساتتەردىڭ ءبىرى بولدى. ءبىر اپتا ىشىندە قاسىم قايسەنوۆتىڭ ەكى ءمۇسىنىن سومداپ شىقتىم. ادەتتە بۇنداي جۇمىسقا ءبىر-ەكى اي ۋاقىت كەتەتىن», دەدى راي ورازبەكوۆ.
ەكىنشى دۇنيەجۇزىلىك سوعىسى باتىرىنىڭ ءبىر ءمۇسىنى گارنيزونداعى داڭقتى جاۋىنگەر اتىنداعى مۇراجايعا, ال ەكىنشىسى اسكەري ءبولىمنىڭ كىرەبەرىسىندەگى اللەياعا قويىلدى.
ونىڭ «اسكەري قىزمەتشىلەردىڭ وتباسى» دەگەن تاعى ءبىر مۇسىندىك تۋىندىسى وسكەمەن قالاسىنداعى اسكەري قالاشىق ساياباعىندا ورناتىلعان.
راي ورازبەكوۆ ءۇشىن شىعارماشىلىق – اڭىز تۇلعالارعا دەگەن كوزقاراسىن ەرەكشە تاسىلمەن جەتكىزۋ مۇمكىندىگى.
