فوتو: osp.ru
ەلورداداعى №3 كوپسالالى بالالار اۋرۋحاناسى ديرەكتورىنىڭ ورىنباسارى روزا وتەگەنوۆا بالالار قىزىلشا ينفەكتسياسىن جۇقتىرعانعا دەيىن دە سىرقاتقا شالدىعىپ, بەلگىلى ءبىر دياگنوزبەن ەسەپتە تۇرعانىن ايتتى. ولارعا قىزىلشاعا قارسى ەكپە سالىنباعانى دا ەم-دومعا كەسىرىن تيگىزگەن.
«مامانداردىڭ مالىمەتى بويىنشا, استاناداعى ناۋقاستاردىڭ 79 پايىزى ۆاكتسينا الماعان. باتىس قازاقستان وبلىسىندا قىزىلشا قايتا كۇشەيدى. وڭىردە ون كۇندە 48 دەرەك تىركەلگەن. ال بىلتىر ايماقتا 477 ادام ۆيرۋس جۇقتىرعان. وبلىستا 50 مىڭ 500 ادامدى يممۋنداۋ جوسپارلانعان», دەلىنگەن اقپاراتتا.
