فوتو: تۇرار قازانعاپوۆ
استانا حالىقارالىق اۋەجايىنىڭ حابارلاۋىنشا, اەرودروم قىزمەتكەرلەرى قولايسىز اۋا رايىندا دا جۇمىس ىستەيدى.
«10 قاڭتاردا داۋىلدى ەسكەرتۋ جاريالاندى. ساعات 14:00 مەن 20:00 ارالىعىندا جەلدىڭ جىلدامدىعى سەكۋندىنا 22 مەتردەن 27 مەترگە دەيىن جەتۋى مۇمكىن. مۇنداي اۋا رايىندا رەيستەر توقتاتىلۋى نەمەسە كەشىكتىرىلۋى مۇمكىن», دەپ حابارلادى استانا حالىقارالىق اۋەجايىنىڭ ءباسپاسوز قىزمەتى.
اۋەجاي وكىلى اەرودرومدا قالىڭ قار جاۋىپ, جەلدىڭ جىلدامدىعى 10 م/س, جەل ەكپىنى 15 م/س جەتكەنىن ءتۇسىندىردى.
«بۇگىندە ەلوردا اۋەجايىندا 75 رەيس جوسپارلانعان. 7 رەيس اۋە كومپانيالارىنىڭ تەحنيكالىق سەبەپتەرىنە بايلانىستى كەيىنگە قالدىرىلدى. اۋا رايىنىڭ قولايسىزدىعىنا بايلانىستى رەيستەردىڭ كەشىگۋى نەمەسە توقتاتىلۋى تىركەلگەن جوق», دەپ قوستى ءباسپاسوز قىزمەتى.
سونداي-اق اەرودرومدى قالىڭ قاردان تازارتۋ جۇمىستارى جالعاسىپ جاتقانى ايتىلدى. قازىر بۇل جۇمىسقا 10 بىرلىك ارنايى تەحنيكا جۇمىلدىرىلعان.
