«قازىر الەم جىل سايىن ەمەس, كۇن سايىن وزگەرىپ جاتىر. جاڭا تەحنولوگيالار, ماماندىقتار جانە سالالار پايدا بولۋدا. جۇمىستى ۇيىمداستىرۋدىڭ جانە باسقارۋدىڭ ءادىس-تاسىلدەرى قايتا قارالىپ جاتىر. وسىنداي جاعدايدا جاڭا كاسىبي داعدىلاردى مەڭگەرۋگە جانە وزىق ءبىلىمىن ءتيىمدى پايدالانۋعا قابىلەتتى جاستاردىڭ ءرولى ارتا تۇسەدى. ويى ۇشقىر جاستارىمىز بولاشاقتى باعامداي الادى ءارى دايەكتى دامۋعا ۇمتىلادى.
قوعامدا ەڭبەكقورلىق پەن جاسامپازدىق جوعارى باعالانۋعا, بىلىمپازدىق پەن جاڭاشىلدىق سالتانات قۇرۋعا ءتيىس. ء«بىز وزىق ويلى ۇلت رەتىندە حالقىمىزدى ىدىراتاتىن ەمەس, بىرىكتىرەتىن جولدى تاڭداپ, تەك قانا العا قاراۋىمىز كەرەك», دەپ اتاپ ءوتتى.
مەملەكەت باسشىسى ەرەكشە اتاپ وتكەندەي «ەڭبەكقورلىق, بىلىمپازدىق, كاسىبيلىك, بىرلىك, ىنتىماق, جاڭاشىلدىق, ىسكەرلىك, باستاماشىلدىق, ادالدىق, قاراپايىمدىلىق جانە ۇنەمشىلدىك – ناعىز وتانشىل, ادال ازاماتقا ءتان قاسيەتتەر مەن قۇندىلىقتار».
وسى قاسيەتتەر مەن قۇندىلىقتاردى جان-جاقتى دارىپتەپ, ۇرپاق ساناسىنا ءسىڭىرۋ باستى بورىشىمىز ەكەنىن, ەلىمىزدەگى ءبىلىم سالاسىنىڭ ۇستازدارى, وقىتۋشىلارى, پروفەسسورلارى مەن عالىمدارى تەرەڭ سەزىنىپ, ۇلكەن جاۋاپكەرشىلىكتى مويىنعا الىپ, ابىرويمەن اتقارۋعا كۇش-جىگەرىمىزدى, بۇكىل تاجىريبەمىزدى جۇمساۋعا مىندەتتىمىز دەپ سانايمىن.
سونىمەن قاتار ەلىمىز بيىلعى جىلى حالىقارالىق كوشپەندىلەر ويىنىن وتكىزەتىندىگىنە توقتالىپ ءوتتى. بۇل ءوز كەزەگىندە ۇلتتىق رۋحتىڭ اسقاقتاۋىنا اسەر ەتەتىن شارا بولماق.
پرەزيدەنت 2024 جىلى قازاقتىڭ ءبىراز ايتۋلى تۇلعاسىنىڭ مەرەيتويى اتالىپ وتەتىنىنە توقتالدى. سونىڭ ىشىندە بيىل قازاق عىلىمىنىڭ وركەندەۋىنە ولشەۋسىز ۇلەس قوسقان تۇلعا, ەلدەگى تۇڭعىش عىلىم اكادەمياسىن قۇرعان, اكادەميك قانىش ساتباەۆتىڭ تۋعانىنا – 125 جىل بولادى.
بۇل ءبىزدىڭ اكادەميكتىڭ ەسىمىن يەلەنىپ وتىرعان ۋنيۆەرسيتەتىمىز ءۇشىن ۇلكەن مەرەكەلىك ءىس-شارا. سونىمەن قاتار وسى جىلى ۋنيۆەرسيتەتىمىزدىڭ 90 جىلدىق مەرەيتويىن جىل بويى اتاپ وتەمىز دەپ وتىرمىز. ەڭ باستى مەجە مەن ماقسات ساتباەۆ ۋنيۆەرسيتەتى عالىمنىڭ لايىقتى ءىزباسارلارىن دايىنداۋ جولىندا تۇراقتى جۇمىستار اتقارا بەرەتىن بولادى.
بۇل اۋقىمدى شارالار مەملەكەت باسشىسىنىڭ اتالعان سۇحباتتا ەل بولاشاعىنا قاتىستى ايتقان سۇبەلى دە سالماقتى ويلارىمەن استاسىپ قابىسىپ جاتىر دەپ ويلايمىن.
ەرجان يتەمەن ۇلى,
ساتباەۆ ۋنيۆەرسيتەتى
باسقارما مۇشەسى — عىلىم جانە كورپوراتيۆتىك دامۋ جونىندەگى پرورەكتور
