كونستيتۋتسياعا سايكەس پرەزيدەنتتىككە «جەتىجىلدىق ءبىر عانا مەرزىم» ەنگىزىلۋى, ەلىمىزدەگى ءوڭىر-وڭىرلەرگە ءىسساپار بارىسىنداعى «سالتاناتتى شارالار جاساپ كۇتىپ الۋدى توقتاتۋى» بيلىككە جاعىنۋ مەن جەكە باسقا «اسىرە تابىنۋدى» جويۋ جولىنداعى اتاپ وتۋگە لايىقتى قادامدارىنىڭ ءبىرى دەپ سانايمىن. ەندىگى سۇحبات بارىسىندا ۋادە ەتىلگەندەي وسى ءتارتىپ وزگەرىسسىز قالىپ, ەل يگىلىگىنە, وتانىمىزدىڭ دامۋىنا ۇلەس قوساتىن باسشىلاردىڭ كەلۋىنەن ءۇمىتتىمىز. بۇعان دەيىن بيلىك ىڭعايىنا وزگەرتىلگەن كونستيتۋتسيالىق وزگەرىستەرگە كۋا بولعان حالىقتا كۇمان دە ءۇمىت تە بارى راس. دەسەك تە جاس بۋىندا ءۇمىت باسىم.
سۇحبات بارىسىندا قوزعالعان حالىقتىڭ جاپپاي نەسيەگە باتۋى, تۇرمىستىق زورلىق-زومبىلىقتىڭ الدىن الۋ بويىنشا جانە كادر ماسەلەسىن شەشۋ بويىنشا بىرقاتار ءىس-شارا ورىندالىپ جاتقانى قۋانتادى. سولاردىڭ ىشىندەگى اتاۋلىسى - جاستاردان قۇرالعان «پرەزيدەنتتىك جاستار كادر رەزەرۆى» ءتۇرلى سالالاردا قىزمەت ەتەتىن بىلىكتى جاستار ءۇشىن ۇيىمداستىرىلعان جاقسى مۇمكىندىك. وسى سىندى مەملەكەتتىك دارەجەدە اتقارىلىپ جاتقان ءىس-شارالار پرەزيدەنتىمىزدىڭ ماعجان جۇماباەۆ اتامىزدىڭ «مەن جاستارعا سەنەمىن» ولەڭىمەن ۇندەس ءۇمىتى بارىن بايقاعاندايمىن.
بۇعان دەيىنگى عىلىم سالاسىن دامىتۋ جولىندا اتقارىلىپ جاتقان وڭ وزگەرىستەر تىزبەگى دە كول-كوسىر. وزىق ويلى ۇلت رەتىندە قالىپتاسۋدى كوزدەگەن ەل شىنىمەن دە ءبىلىم مەن عىلىمدى الدىڭعى قاتارعا قوياتىنى ايقىن. سەبەبى دانا حالقىمىزدان قالعان اتالى ءسوز ء«بىلىمدى مىڭدى جىعاتىنىنا» كوزىمىز جەتتى. ءبىز ءوز كەزەگىمىزدە وقىتۋشى رەتىندە تالاپكەر-جاس بۋىندارعا وسىنى ءسىڭدىرۋدى مىندەت تۇتامىز. ەڭبەگىمىز ەلەنسە جاس بۋىن اراسىندا ەل حاقىسىنا ايانباي تەر توگەتىن «بەيبىت زامان باتىرلارى» كوبەيەتىنىنە كامىل سەنەمىن.
ومىرسەرىك بايگەنجەنوۆ,
ساتباەۆ ۋنيۆەرسيتەتىنىڭ PhD, پروفەسسورى
