فوتو: استانا اكىمدىگى
«ارابي 2 - گرانيتنىي 2», «ارىستان, 4-بلوك», «Future home» سەكىلدى قۇرىلىسى ۇزاققا سوزىلعان نىسانداردىڭ قۇرىلىس بارىسىمەن تانىستىم. بۇل تۇرعىن ءۇي كەشەندەرىنىڭ قۇرىلىسىنىڭ باستالعانىنا 12 جىلعا جۋىق ۋاقىت بولدى. مىسالى, «ارابي 2 - گرانيتنىي 2» تۇرعىن ءۇي كەشەنى 2013 جىلى پروبلەمالى دەپ تانىلعان. مۇندا 200-گە جۋىق وتباسى باسپاناسىن كۇتىپ ءجۇر. «Future home» تۇرعىن ءۇي كەشەنىنىڭ قۇرىلىسى دا 2013 جىلى باستالعان. نىساندى ەقك-گە بەرۋ كەزىندە 4 جانە 7 قاباتتار عانا سالىنعان. قۇرىلىسى ۇزاققا سوزىلعان نىساندار بويىنشا اۋقىمدى جۇيەلى جۇمىس جۇرگىزىپ جاتىرمىز. وسىعان دەيىن مەملەكەتتىڭ قولداۋىنىڭ ارقاسىندا 16 مىڭنان استام ۇلەسكەر وتباسىنىڭ 15,5 مىڭعا جۋىعى باسپانالى بولدى. ۇزاققا سوزىلعان 140-تان استام تۇرعىن ءۇي كەشەنىنىڭ قۇرىلىسى اياقتالدى», دەپ جازدى ج.قاسىمبەك.
2023 جىلى قۇرىلىسى ۇزاققا سوزىلعان 32 تۇرعىن ءۇي كەشەنى بولاتىن. اكىمنىڭ ايتۋىنشا, بىلتىر ۇزاققا سوزىلعان 22 تۇرعىن ءۇي كەشەنىنىڭ قۇرىلىسى اياقتالعان.
«بيىل 10 ءۇي قالدى, ولاردىڭ قۇرىلىسى وسى جىلدىڭ 1-2 توقسانىندا اياقتالادى. وسىلايشا, قالعان 500-گە جۋىق ۇلەسكەر وتباسى باسپانالى بولادى. قۇرىلىسى ۇزاققا سوزىلعان نىسانداردىڭ قۇرىلىسى مەملەكەت باسشىسىنىڭ تىكەلەي باقىلاۋىندا», دەلىنگەن جازبادا.
