باستىسى, كىتاپحانادا ءبىلىم بەرۋ باعىتتارىنا قولجەتىمدىلىك بار. قوردى ساقتاۋعا ارنالعان قاۋىپسىزدىك قۇرالدارى مەن RFID-جاپسىرمالارى ورناتىلعان. ەرەكشە ستۋدەنتتەردىڭ دە جاعدايى ەسكەرىلگەن. ولارعا ارنالعان ۇستەل مەن ورتوپەديالىق ورىندىقتار بار. وزىق تەحنولوگياعا ساي جابدىقتالعان كىتاپحانا قالاداعى پەداگوگتەرگە دە, وقىرمان قاۋىمعا دا قىزمەت كورسەتەدى. كىتاپحانا قورى دا باي.
«كىتاپحانانىڭ اشىلۋى – پەداگوگيكا فاكۋلتەتىنىڭ ستۋدەنتتەرى مەن وقىتۋشىلارىنا ۇلكەن ولجا. جاڭا ورتالىق ءبىلىم الماسۋ, ديالوگ الاڭى, وقىتۋشىلار مەن ستۋدەنتتەردىڭ اشىق تۇردە ءوزارا پىكىر الماسۋ ورنى بولادى دەپ سەنەمىز», دەيدى ۋنيۆەرسيتەتتىڭ پرورەكتورى ساۋلە ساعىنتاەۆا.
كىتاپحانا اۋماعى 400 شارشى مەتردى قۇرايدى. 53 مىڭ كىتاپ قورى بار. ونەر, ديزاين, ادىستەمە قۇرالى, پەداگوگيكا سالاسى بويىنشا كىتاپتار جيناقتالعان. «ارنايى ابونەمەنتپەن, ەلەكتروندى رەسۋرستار زالىمەن جابدىقتالعان. وقۋ كىتاپحانامىزدىڭ باسقالاردان ايىرماشىلىعى – قاراعاندى قالاسى مەكتەپتەرىنىڭ مۇعالىمدەرىنە دە قىزمەت كورسەتەدى. وقىرمان ۋنيۆەرسيتەتتىڭ ID كارتاسى ارقىلى كىتاپحاناعا كەلە الادى», دەيدى عىلىمي كىتاپحانا ديرەكتورى گاۋھار ابدىعۇلوۆا.
ۋنيۆەرسيتەت بازاسىندا بيولوگيا-گەوگرافيا جانە تاريح فاكۋلتەتىندە دە ءداپ وسىنداي ەكى كىتاپحانا جۇمىس ىستەپ تۇر.
قاراعاندى وبلىسى
