وقيعا بەينەلەنگەن ۆيدەو الەۋمەتتىك جەلىدە تاراپ, قىزۋ تالقىلانعان ەدى.
1 قاڭتاردا جامبىل وبلىسى پوليتسيا دەپارتامەنتى مەن قورداي اۋدانى پوليتسيا ءبولىمى قىزمەتكەرلەرى ءبىر توپ ادامنىڭ ۇستىنەن بۇزاقىلىق جاسادى دەگەن فاكتىمەن قىلمىستىق ءىس قوزعالدى. اتالعان توبەلەس كەزىندە ەكى ازامات دەنە جاراقاتىن العان.
قىلمىستىق ءىستى تەرگەۋ بارىسىندا گۆاردەيسك گارنيزونىندا كەلىسىمشارت بويىنشا اسكەري قىزمەتشىلەردىڭ وقيعاعا قاتىسى بارى بەلگىلى بولدى.
«قر قىجك-ءنىڭ 128, 131-باپتارىنا سايكەس وسى قىلمىستى جاسادى دەگەن كۇدىكپەن التى ادام ۇستالدى, ونىڭ ىشىندە 2 اسكەري قىزمەتشى قازىرگى ۋاقىتتا ۋاقىتشا ۇستاۋ يزولياتورىنا قاماۋعا الىندى. وزگە اقپارات تەرگەۋ مۇددەسى ءۇشىن جاريا ەتىلمەيدى», دەلىنگەن قورعانىس مينيسترلىگىنىڭ حابارلاماسىندا.
قر قك «وڭتۇستىك» وڭىرلىك قولباسشىلىعى ءباسپاسوز قىزمەتى «توبەلەس اسكەري قىزمەتشىلەر مەن قاراپايىم ازاماتتار اراسىندا بولدى», «اسكەريلەر جەرگىلىكتى تۇرعىندى سوققىعا جىقتى» دەگەن اقپاراتتاردىڭ شىندىققا جاناسپايتىنىن مالىمدەدى.
جاپپاي توبەلەسكەندەردىڭ ىشىندە تەك ەكەۋى اسكەري قىزمەتشى. مينيسترلىك وقيعا جۇمىستان تىس ۋاقىتتا بولعانىن ناقتىلادى.
