فوتو: تجم
كەشە گەوسكانەر كومەگىمەن 5 مەتر تەرەڭدىكتە توپىراق استىنان اۆتوبۋستىڭ ىقتيمال ورنالاسۋ ورنى انىقتالدى. بۇگىن توپىراقتى قايتا سكانەرلەۋ جۇرگىزىلدى. ونىڭ ناتيجەلەرى بويىنشا ىزدەۋ-قۇتقارۋ جۇمىستارىنىڭ بارىسىنا تۇزەتۋلەر ەنگىزىلەدى.
وقيعا ورنىنا تجم, كااقق روش, جەرگىلىكتى اتقارۋشى ورگاندار, «مايقايىڭالتىن» اق, پوليتسيا جانە جەدەل جاردەم بولىمشەلەرىنەن بارلىعى 139 ادام جانە 47 بىرلىك تەحنيكا جۇمىلدى.
جازاتايىم وقيعانىڭ سەبەپتەرىن تەرگەۋ ماقساتىندا ونەركاسىپتىك قاۋىپسىزدىك كوميتەتى توراعاسىنىڭ ورىنباسارى مۇسا تاناباەۆتىڭ توراعالىعىمەن ارنايى كوميسسيا جۇمىس ىستەپ جاتىر.
كوميسسيا قۇرامىنا پاۆلودار وبلىسى اكىمىنىڭ ءبىرىنشى ورىنباسارى سەرىك باتىرعۇجينوۆ, «مايقايىڭالتىن» اق باس ديرەكتورى قۋانىش بوتين, ونەركاسىپتىك قاۋىپسىزدىك كوميتەتى دەپارتامەنتىنىڭ, ەڭبەك باسقارماسىنىڭ, كااقق روش, كاسىپوداق ۇيىمىنىڭ باسشىلارى مەن ماماندارى كىردى.
وبەكتيۆتى تەرگەۋدى ۇيىمداستىرۋ جانە جازاتايىم وقيعانىڭ سەبەپتەرىن انىقتاۋ ءۇشىن ءتورت ساراپتاما ۇيىمىنىڭ وكىلدەرى تارتىلدى.
ەسكە سالايىق, 4 قاڭتاردا پاۆلوداردا جولاۋشىلار مىنگەن اۆتوبۋس ويىققا قۇلاپ كەتكەنىن حابارلاعان بولاتىنبىز.
