ونەر يەسىنىڭ سوزىنشە, كىشكەنتاي قىزدىڭ تۇساۋىن ءبىر ءوزى عانا ەمەس, جەتى كەلىنشەك بولىپ كەسكەن. ول مۇنداي فورماتتاعى تۇساۋكەسەرگە العاش قاتىسقان.
تەلەجۇرگىزۋشى ەرەكشە تويدان العان اسەرىن Instagram پاراقشاسىندا جەتكىزىپ, الا ءجىپتى نەگە بىردەن جەتى كەلىنشەك كەسكەنىن ءتۇسىندىردى.
- جان مۇقانوۆ - 7 بالانىڭ اكەسى, بەلگىلى پروديۋسەر, مەنىڭ دوسىم. بىلتىر كوكەك ايىندا ايەلى ەكەۋى كەنجە قىزدارىنىڭ تۇساۋكەسەرىن جاسادى. ول راسىمگە 7 كەلىنشەك قاتىستىق. ءبىرىمىز تەكەمەتتى توسەسەك, ءبىرىمىز بوپەنى الاشاعا تۇرعىزىپ, اياعىنا بىلەزىك تاعىپ, ول بىلەزىك ارقىلى الا ءجىپتى بايلاپ, پىشاعىن اكەلىپ, تۇساۋىن كەسىپ, جەتەكتەدىك. سونداعى نيەت - ءار ايەلدىڭ وزىندىك ەرەكشە قاسيەتىن (دانالىعىن, نازىكتىگىن, قايسارلىعىن) حانزادا قىز بويىنا ءسىڭىرسىن دەگەنى عوي, - دەپ جازدى سۇلتانقىزى.
