قىزدارعا ەڭ ءجيى قويىلعان 10 ەسىم ءتىزىمى وزگەرىسسىز قالسا, ۇلدار اراسىندا حامزا ەسىمى رامازان ەسىمىن ىعىستىرىپ, العاشقى وندىققا كىردى. بۇل تۋرالى قر ۇلتتىق ستاتيستيكا بيۋروسىنىڭ ءباسپاسوز قىزمەتى حابارلادى.
2023 جىلدىڭ تانىمال 10 ەسىمىن ءتىزىپ شىقساق, ۇلدار اراسىندا ءاليحان, ومار, ءامىر, الديار, ايسۇلتان, الان, ءالي, نۇريسلام, مۋحامماد, حامزا ەسىمدەرى ەڭ كوپ قويىلعان.
قىزدار اراسىندا مەدينا, ايشا, ايلين, اسىلىم, سافيا, توميريس, رايانا, امينا, ايالا, ايىم ەسىمدەرىنە قىزىعۋشىلىق جوعارى بولىپ تۇر.
اتالعان ءتىزىمدى 2013 جىلمەن سالىستىراتىن بولساق, ءاليحان, ءامىر جانە نۇريسلام ەسىمدەرى ۇلدار اراسىندا ءالى دە تانىمال. قىزدار اراسىندا ايشا مەن ءامينا ەسىمدەرى ءجيى قويىلاتىن ەسىمدەر قاتارىنان ون جىل بويى تۇسپەي كەلەدى.
2013 جىلدىڭ تانىمال 10 ەسىمى: ۇلدار اراسىندا ەراسىل, ءاليحان,سانجار, نۇراسىل, ميراس, ارتەم, نۇريسلام, ءامىر, ارسەن, رامازان ەسىمدەرى تانىمالدىلىققا يە بولعان.
قىزدار اراسىندا ايزەرە, ايارۋ, كاۋسار, ءىنجۋ, ايشا, ارۋجان, اياۋلىم, ءامينا, ىڭكار, ديانا ەسىمدەرى ءجيى قويىلعان.
