اسكەري ءبولىمنىڭ ساپتىق الاڭىندا ارنايى شەرۋ وتكەن سوڭ «باتىس» وڭىرلىك قولباسشى پولكوۆنيك بەكايدار قازكەەۆ ءسوز الىپ, جەكە قۇرامدى جاڭا وقۋ جىلىمەن قۇتتىقتادى.
وقۋ كەزەڭىندە اسكەري قىزمەتشىلەردى دايىنداۋ, مەملەكەتتىك قۇقىق ساباقتارى جۇرگىزىلدى. ارنايى جوسپارلانعان ساباقتى ۇلتتىق ۇلاننىڭ «باتىس» وڭىرلىك قولباسشىسى ءوزى وتكىزدى.
ۇلاندار ساپتىق الاڭدا اسكەري تەحنيكانى, قارۋ-جاراقتى, اسكەري م ۇلىكتەردى دۇرىس قولدانۋ, بەلگىلەنگەن زاڭداردى ساقتاۋ, العاشقى مەديتسينالىق كومەك كورسەتۋ, جاۋىنگەرلىك قىزمەتتى اتقارۋ كەزىندە قاۋىپسىزدىك ەرەجەلەرىن ساقتاۋ بويىنشا نۇسقاۋلىق ساباقتان وتەدى. وقۋ كەزەڭى مامىر ايىنا دەيىن سوزىلادى.
