فوتو: تجد
بۇعان دەيىن ورالداعى دامحانادا گاز جارىلىپ, ءورت شىققانىن حابارلاعان ەدىك. وقيعا سالدارىنان زارداپ شەككەندەر مەن قازا تاپقاندار تۋرالى اقپارات ەندى ءمالىم بولدى.
«قيراعان ۇيىندىلەر استىنان 6 ادام تابىلىپ, قۇتقارىلدى. ونىڭ بەسەۋى مەديتسينالىق مەكەمەلەرگە جەتكىزىلدى, 1 ادام اۋرۋحاناعا جاتۋدان باس تارتتى. وقيعا ورنىندا 2 ادام قازا تاپتى. ادامداردىڭ جەكە باسى انىقتالىپ جاتىر. ۇيىندىلەردىڭ استىندا ءالى دە ادامدار بولۋى مۇمكىن. اۆاريالىق-قۇتقارۋ جۇمىستارى ءالى دە جالعاسادى», دەلىنگەن باتىس قازاقستان وبلىسى تجد حابارلاماسىندا.
وقيعا ورنىندا باتىس قازاقستان وبلىسى توتەنشە جاعدايلار دەپارتامەنتى, پوليتسيا, جەرگىلىكتى اتقارۋشى ورگاندار مەن جەدەل مەديتسينالىق جاردەم كۇشتەرى جۇمىلدىرىلعان. قازىر بارلىعى 110-نان اسا ادام جانە 30 بىرلىك تەحنيكا جۇمىس ىستەپ جاتىر.
بقو تجد شتابىندا 8 (7112) 55-40-88 ءنومىرى بويىنشا جەدەل جەلى جۇمىسى ۇيىمداستىرىلعان.
