فوتو: وقك
قۇرامىنا قازاقستان, تاجىكستان, تۇرىكمەنستان, وزبەكستان كىرەتىن اتالعان حالىقارالىق ۇيىم ارال تەڭىزىن قۇتقارۋعا جانە ءوڭىردىڭ ەكولوگيالىق احۋالىن جاقسارتۋعا, سونداي-اق جالپى الەۋمەتتىك-ەكولوگيالىق پروبلەمالاردى شەشۋگە باعىتتالعان بىرلەسكەن مەملەكەتارالىق ەكولوگيالىق جانە عىلىمي-پراكتيكالىق باعدارلامالار مەن جوبالاردى جۇزەگە اسىرۋمەن اينالىسادى.
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ورتالىق ازيا مەملەكەتتەرىمەن, حالىقارالىق ۇيىمدارمەن, قارجى ينستيتۋتتارىمەن ىنتىماقتاستىقتى ارتتىرۋ جوسپارلانىپ وتىرعانىن ايتتى.
«بيىل ءبىز دۇنيەجۇزىلىك بانكپەن بىرگە جۇزەگە اسىرىلىپ جاتقان سولتۇستىك ارالدى ساقتاۋ جوباسىنىڭ ەكىنشى كەزەڭىن باستاۋدى جوسپارلاپ وتىرمىز. ارال تەڭىزىن قۇتقارۋ - بۇل حاقق-عا قاتىسۋشى بارلىق ەلدەردىڭ بىرلەسكەن كۇش-جىگەرىمەن عانا ورىندالاتىن مىندەت. الداعى ءۇش جىلدا ءبىز وسى باعىتتا ماڭىزدى ناتيجەلەرگە قول جەتكىزۋگە نيەتتىمىز», دەدى مينيستر.
