سۇحبات الۋشى ديحان قامزابەك ۇلى اتالعان مەمۋاردا جازىلعان تاريحي وقيعالاردىڭ تىكەلەي كۋاگەرى رەتىندە پرەزيدەنتتەن اسەرىن ءبولىسۋدى جانە ءوزىنىڭ مەمۋار جازاتىن ويى بار-جوعىن سۇرادى.
«بۇل كىتاپ تاۋەلسىز مەملەكەت قۇرۋ ءىسىنىڭ جىلناماسى رەتىندە وقىرمان قىزىعۋشىلىعىن تۋعىزادى دەپ ويلايمىن. كەزىندە ءبىر ايتقىش «مەمۋاردا شىندىقتىڭ جارتىسى ايتىلسا دا, ول تاريحي وقيعالاردىڭ اۋقىمىن باعامداۋعا جەتكىلىكتى» دەگەن ەكەن.
نۇرسۇلتان نازارباەۆ – بىرنەشە داۋىرگە كۋا بولعان تاريحي تۇلعا. ول ءوز مانسابىن كومسومول بەلسەندىسى رەتىندە حرۋششەۆ زامانىندا باستاپ, ارادا الپىس جىلدان استام ۋاقىت وتكەننەن كەيىن قىزمەتتەن كەتتى. قازاقستاننىڭ تاۋەلسىز مەملەكەت بولىپ قالىپتاسۋىنا قوسقان ۇلەسىن ءبارى بىلەدى. ول – ءادىل تاريحي باعاسىن الۋعا لايىق ادام.
مەن مەمۋارلاردى, پۋبليتسيستيكالىق شىعارمالاردى, ساياسي وچەركتەردى ءاردايىم ىجداعاتپەن وقيمىن. ال سۇراققا كەلسەك, مەن ءۇشىن قازىرگى كەزەڭ مەمۋار جازىپ وتىراتىن ۋاقىت ەمەس», دەپ جاۋاپ بەردى ق.توقاەۆ.
