«قازاقستان تەمىر جولى» كومپانياسىنان ءمالىم ەتكەندەي, وسى جىلدىڭ 2 قاڭتارىندا قوسىمشا مىناداي قالا ماڭىنداعى پويىزدار ىسكە قوسىلدى:
استانادان اتباسارعا ساعات 8:38-دە №6803/6804 «استانا-اتباسار» ەلەكتر پويىزى جونەلتىلەدى. جولاۋشىلارعا 274 ورىن ۇسىنۋ كوزدەلگەن. كەرى باعىتتا پويىز سول كۇنى اتباساردان ساعات 14:40-تا جۇرەدى.
استانادان كوكشەتاۋعا ساعات 17:00-دە №6805/6806 «استانا-بۋراباي-كوكشەتاۋ» باعىتىنداعى ەلەكتر پويىزى (376 ورىندىق) جۇرەدى. كەرى باعىتتا پويىز كوكشەتاۋدان ساعات 22.35-تە جونەلتىلەدى.
پاۆلوداردان استاناعا ساعات 11:57-دە №7509 «پاۆلودار-استانا» باعىتىنداعى ەلەكتر پويىزى جولعا شىعادى.(376 ورىن). ەلەكتر پويىز استاناعا ساعات 14:49-دا كەلەدى.
بۋراباي كۋرورتى ستانتسياسىنا دەيىن №7553/7556 «قاراعاندى-استانا» باعىتىنداعى ەلەكتر پويىزىنىڭ قوزعالىسى ۇزارتىلادى (اتاۋى №6811/6812 «استانا-بۋراباي كۋرورتى»). ول استانادان ساعات 10:10-دا جونەلتىلەدى, جولاۋشىلارعا 276 ورىن بەرىلەدى. كەرى باعىتتا پويىز بۋرابايدان ساعات 14:48-دە كەتەدى.
وسى جىلدىڭ 1 قاڭتارىندا ساعات 21:00-دەن باستاپ قوسىمشا قالا ماڭىنداعى پويىزدارعا بيلەتتەردى ساتۋ اشىلادى.
«جالپى, جاڭا جىلدىق مەرەكەلەرگە - 2023 جىلعى 26 جەلتوقساننان 2024 جىلعى 5 قاڭتارعا دەيىن ۇلتتىق تاسىمالداۋشى قوسىمشا پويىزدار مەن تىركەمە ۆاگونداردى تاعايىنداۋ ەسەبىنەن 20 مىڭ قوسىمشا ورىن ۇيىمداستىردى. سوڭعى 2 كۇن ىشىندە 4 مىڭنان استام جولاۋشى تاسىمالداندى. «جولاۋشىلار تاسىمالى» اق ۆوكزالدار مەن پويىزدار دا جولاۋشىلار اعىنىنىڭ كۇرت ۇلعايۋىن ەسكەرە وتىرىپ, ازاماتتارعا اۋا رايى جاعدايلارىن ەلەپ, ءوز ساپارلارىن الدىن الا جوسپارلاۋدى جانە جولاۋشىلاردىڭ قاۋىپسىزدىگىن قامتاماسىز ەتۋگە باعىتتالعان شارالارعا تۇسىنىستىكپەن قاراۋدى سۇرايدى», - دەدى كومپانيادان.
بيلەتتەردى bilet.railways.kz سايتىنان جانە بيلەت كاسسالارىندا ساتىپ الۋعا بولادى.
جولاۋشىلار پويىزدارىنىڭ قوزعالىس كەستەسى بويىنشا انىقتامالىق اقپاراتتى «1433»تەگىن ءنومىرى, «KTZH_PP_BOT» بوت جەدەلحاتتارى, سونداي-اق «جولاۋشىلار تاسىمالى» اق @jolaushylar_tasymaly رەسمي Instagram-اككاۋنتى ارقىلى الۋعا بولادى.
