muratsaveliev
«وزدەرىڭىزدەي قوناقجاي, مەيىرىمدى حالىقپەن تانىسۋعا مۇمكىندىك بەرگەندەرىڭىز ءۇشىن جانە قولداۋ تانىتقاندارىڭىز ءۇشىن مىڭ العىس! مەن قازاقستاننىڭ ءار ۇلىنا, قىزىنا, اناسىنا, اكەسىنە ءتانتىمىن جانە ريزامىن!
دوستار, مەنىڭ ۆيزامنىڭ ۋاقىتى اياقتالدى, تۋعان جەردەن كەتۋىم كەرەك, بىراق مەن جاقىندا ورالامىن. مەن تۋعان انامدى ىزدەۋ جۇمىسىن توقتاتپايمىن. كەشە قازاق راديوسىنىڭ «بارمىسىڭ, باۋىرىم؟» حابارىنىڭ رەداكتسياسىنا مەنىڭ اتىمنان سوت وتىرىسىنا قاتىسۋعا, ماعان قاتىستى كەز كەلگەن مالىمەتكە قول جەتكىزۋگە, مەنىڭ اتىمنان ارىز, ءوتىنىش, شاعىم جازۋعا زاڭ بويىنشا تولىق رۇقسات بەردىم. قازاقستانعا كەلگەلى قانشالىقتى ەموتسيونالدى كۇيدە بولعانىمدى كوردىڭىزدەر, مەن ءۇشىن تىم اۋىر كۇندەر بولدى. ناتيجەسىندە مەن وزىمە ءبىراز ۋاقىت ءبولۋدى ءجون كوردىم, سوندىقتان يسپانياعا بىردەن قايتپايمىن, بىرەر كۇن تايلاندتا بولامىن. ويىمدى جيناقتاپ, دەمالىپ العىم كەلەدى», دەپ جازدى مۇرات.
2002 جىلدىڭ 17 قاڭتارىندا ارقالىق قالاسىنداعى پەرزەنتحانادا ومىرگە كەلگەن مۇراتتى 2004 جىلى بالالار ۇيىنەن بەلگيالىق جالعىزباستى ايەل اسىراۋعا الىپ كەتكەن. اراعا 19 جىل سالىپ تۋعان جەرى, اتامەكەنىنە اناسىن ىزدەپ كەلگەن جىگىت ەڭ باستىسى تۋعان ەلىن, وتانىن تاپقانىنا باقىتتى ەكەنىن جازدى. ءار قازاق ءوزىن باۋىرىنا باسىپ, جاقىن تارتقانىنا رازىلىعىن ءبىلدىردى.
