استانادان الماتىعا كس954 رەيسىمەن ۇشقالى تۇرعان 44 جاستاعى ازامات تەركەۋ كەزىندە جول جۇگىندە قارۋ مەن ەسىرتكى الىپ بارا جاتقانىن جەتكىزگەن.
اۋەجاي قىزمەتكەرلەرى بىردەن "قاۋىپتى" جولاۋشى تۇرعان ايماقتى قورشاۋعا الىپ, مەملەكەتتىك كۇزەت, ۇلتتىق قاىپسىزدىك قىزمەتى, تەرروريزمگە قارسى ورتالىققا جەدەل حابارلاندى.
- استانا حالىقارالىق اۋەجايىنىڭ اۆياتسيالىق قاۋىپسىزدىك قىزمەتى جولاۋشىنىڭ قول جۇگىن تەكسەرىپ, جولاۋشىنى جەلىلىك پوليتسيا ءبولىمىنىڭ قىزمەتكەرلەرىنە تاپسىردى. جولاۋشى جەلىلىك پوليتسيا قىزمەتكەرلەرىنە بەرگەن تۇسىنىكتەمەسىندە قول جۇگىندە قارۋ مەن ەسىرتكى بارىن ءازىل رەتىندە حابارلاعانىن جەتكىزگەن, - دەلىنگەن حابارلامادا.
قر ۇلتتىق قاۋىپسىزدىك قىزمەتىنىڭ نۇسقاماسىمەن استانا حالىقارالىق اۋەجايىندا دابىل الىنىپ تاستالدى.
كۇدىكتى اتالعان وقيعا بويىنشا قر قىلمىستىق كودەكسىنىڭ 273-بابى ("دايىندالىپ جاتقان تەرروريزم اكتىسى بويىنشا جالعان اقپارات تاراتۋ") بويىنشا 5 000 اەك (17 ميلليون تەڭگەدەن استام) كولەمىندە ايىپپۇل تولەيدى نەمەسە 5 جىلعا باس بوستاندىعىنان ايىرىلادى.
