عىلىمي ورتالىقتا جول كارتاسىنىڭ جوباسى جانە عىلىمي-زەرتتەۋ ينستيتۋتتارى, تاجىريبەسى مول شارۋاشىلىقتار مەن اۋىل شارۋاشىلىعى تاۋارىن وندىرۋشىلەر اراسىنداعى ءوزارا ءىس-قيمىل جۇيەسىنىڭ جاڭا, وڭتايلاندىرىلعان قۇرىلىمى ازىرلەندى. اتاپ ايتقاندا, وڭتۇستىكتە مال جانە وسىمدىك شارۋاشىلىقتارى, ماقتا جانە كوكونىس وسىرۋمەن اينالىساتىن 4 ءتۇرلى ەنشىلەس ۇيىمدى «وڭتۇستىك» عىلىمي-وندىرىستىك ورتالىعىنا بىرىكتىرۋ ۇسىنىلادى. جاڭا عوو نىسانداردى قارجىلىق جاعىنان ساۋىقتىرىپ, ءوڭىردىڭ اگرارشىلارىمەن بەلسەندى ءوزارا ءىس-قيمىلدى قامتاماسىز ەتىپ, جابىق توپىراق, ءتيىمدى سۋارۋ جانە كوكونىس ءوسىرۋ ورتالىقتارىن قۇرادى. س.سەيفۋللين اتىنداعى قازاتۋ-دان ۇاعبو-عا قايتا بەرىلگەن ەنشىلەس ۇيىمدار قاتارىندا ا.ي. باراەۆ اتىنداعى اشعوو, سق اشتس بار.
ءا.بوكەيحانوۆ اتىنداعى قازاق ورمان شارۋاشىلىعى جانە اگلومەراتسيا عىلىمي-زەرتتەۋ ينستيتۋتى ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنە بەرىلدى. سونداي-اق ۇاعبو قۇرىلىمىن وڭتايلاندىرۋ ەكى ەنشىلەس ۇيىمدى ءارتۇرلى مەنشىك ۇلەسىمەن اكىمدىكتەرگە بەرۋدى كوزدەيدى. اتاپ ايتقاندا, اقتوبە وبلىسىندا وڭىرلىك تاجىريبەلىك شارۋاشىلىق بازاسىندا جىلقى شارۋاشىلىعى ينستيتۋتىن قۇرۋ جوسپارلانىپ وتىر.
سونىمەن قاتار عىلىمي اگرارلىق ورتالىقتى ترانسفورماتسيالاۋدا سەلەكتسيا مەن تۇقىم شارۋاشىلىعىن دامىتۋدىڭ كەشەندى جوسپارىن ىسكە اسىرۋعا كوپ كوڭىل بولىنەدى. باستاپقى تۇقىم شارۋاشىلىعىن دامىتۋ, سەلەكتسيالىق تەحنيكا مەن جابدىقتاردى جاڭارتۋ, تۇقىم شارۋاشىلىعىنىڭ ءتيىمدى جۇيەسىن قۇرۋ جونىندەگى شارالار ازىرلەندى.
«قازاقستاندا تۇقىم شارۋاشىلىعىنىڭ قولدانىستاعى سحەماسى دۇرىس جۇمىس ىستەمەيدى. تۇقىم ءوسىرۋ سحەماسى بۇزىلعان, قاداعالانبايدى. سونداي-اق بيوتەحنولوگيانىڭ زاماناۋي ادىستەرىن قولدانۋ ارقىلى جاڭا سۇرىپتاردى ءوسىرۋ مەرزىمىن ەكى ەسە قىسقارتۋ قاجەت: 12-15 جاستان 5-7 جاسقا دەيىن. تۇقىم ساقتاندىرۋ قورىن قۇرۋ قاجەتتىگى تۋىندادى. وتاندىق سورتتاردى ءتيىمدى كوممەرتسيالاندىرۋ ءۇشىن وسىمدىك, تۇقىم شارۋاشىلىعى جانە سەلەكتسيا سالاسىنداعى ۇاعبو, جەكەمەنشىك كومپانيالار مەن حالىقارالىق ورتالىقتاردىڭ وريگيناتورلارىنىڭ كۇش-جىگەرىن بىرىكتىرۋدى ۇسىنامىز», دەدى ۇاعبو باسقارما توراعاسى باۋىرجان قاسەنوۆ.
كەڭەستى قورىتىندىلاي كەلە, سەرىك جۇمانعارين عىلىم مەن ونىڭ ناتيجەلەرىن كوممەرتسيالاندىرۋ اراسىنداعى جولدى بارىنشا قىسقارتۋ ءۇشىن حالىقارالىق كومپانيالار مەن بيزنەستىڭ تاجىريبەسىن ەسكەرە وتىرىپ, مۇددەلى ورگاندار مەن عالىمداردىڭ بارلىعىمەن ۇاعبو-نى ترانسفورماتسيالاۋ جوسپارلارىن تاعى دا تالقىلاۋدى تاپسىردى.
