ال الماتىدا اياز اتالاردىڭ شەرۋى ءوتتى. ەرتەگى الەمىنەن كەلگەن كەيىپكەرلەر شاھار كوشەلەرىن شاتتىققا بولەپ, قالا تۇرعىندارى مەن قوناقتارىنا جاقسى تىلەكتەرىن توكتى.
اياز اتالار باستى جاڭا جىلدىق شىرشا ورناتىلعان اباي الاڭىنان باستاپ, دوستىق داڭعىلىمەن قابانباي باتىر كوشەسىنە دەيىن شەرۋلەتىپ, سودان كەيىن پانفيلوۆ كوشەسىمەن ءجۇرىپ, «استانا» الاڭىنا دەيىن بارسا, بۇل ورىن بەكەر تاڭدالماعان, ءدال وسى جەردە 31 جەلتوقساندا باستى جاڭاجىلدىق كونتسەرت وتەدى, سودان كەيىن جاڭاجىلدىق وتشاشۋ باستالادى.
ء«بىز بالالاردى شاتتاندىرا العانىمىزعا قۋانىشتىمىز. قالا تۇرعىندارى مەن قوناقتارى شەرۋگە قاتىسۋشىلارمەن سۋرەتكە ءتۇسىپ, سۇراقتارعا جاۋاپ بەرىپ, ولەڭدەر ايتىپ, سىيلىقتار, تاتتىلەر الدى. 60 ادامنان تۇراتىن اياز اتا شەرۋىن ءبىز ەكىنشى جىل قاتارىنان وتكىزىپ كەلەمىز جانە بۇل جاڭا جىل قارساڭىندا جاقسى داستۇرگە اينالىپ وتىر», دەيدى الماتى قالاسى مادەنيەت باسقارماسىنىڭ وكىلدەرى.
21 جەلتوقساننان باستاپ اباي اتىنداعى جانە «استانا» الاڭداردا كۇن سايىن ونەر وكىلدەرىنىڭ, live-بەندتەر مەن ديدجەيلەردىڭ, انيماتورلاردىڭ قاتىسۋىمەن كونتسەرتتەر, بايقاۋلار تولاستاعان جوق. 27-31 جەلتوقسان ارالىعىندا جاڭاجىلدىق قىسقى فەستيۆال اياسىندا قالانىڭ ءار اۋدانىندا كونتسەرتتەر ۇيىمداستىرىلادى, وندا كەنجەبەك ءجانابىلوۆ, ءمولدىر اۋەلبەكوۆا, ومىرقۇل اينيازوۆ, الىشەر قونىسباەۆ, رايىم ۋايس, اباي بەگەي, اسحات تارعىن, Altair & Abbi, نۇرمۇحاممەد جاقىپ, مۇحتار حانزادا, نۇرسۇلتان نۇربەرديەۆ, اقبوتا-نۇر, جاندوس قارجاۋباي, جىگەر اۋىپباەۆ, سەرىك يبراگيموۆ, التىنبەك تاشىمبەتوۆ سىندى ارتىستەر ونەر كورسەتەدى.
ءوز كەزەگىندە قازاق مەملەكەتتىك تسيركى 2024 جىلدىڭ 14 قاڭتارىنا دەيىن Golden Dragon باعدارلاماسىمەن بالالاردىڭ قىسقى دەمالىسىن بارىنشا قىزىقتى وتكىزۋگە بارىن سالادى.
ال مەملەكەتتىك قۋىرشاق تەاترىندا «جارقىراي ءتۇس, جاڭا جىل!» اتتى باعدارلاما قويىلىمى باستالدى. جاڭاجىلدىق دۋماننان رەسپۋبليكا سارايى دا قالىس قالماي, «مۇزدى جۇرەك» ويىن-ساۋىق-تانىمدىق باعدارلاماسىن ۇسىنسا, 3-4 قاڭتاردا مۇرات مۇتىرعانوۆتىڭ «ەلىمىزدىڭ ۇزدىك جاڭاجىلدىق شوۋى» سالتانات قۇرماق. ال باستى جاڭا جىلدىق تەگىن كونتسەرت 31 جەلتوقسان كۇنى «استانا» الاڭىندا وتەدى.
الماتى
