مۋفتياتتىڭ مۇنداي قادامعا بارۋىنا سەرىك رىسجانوۆتىڭ «Barys media» يۋتۋب ارناسىنا بەرگەن سۇحباتىنىڭ بىرىندە: «قۇراندا بەس ۋاقىت ناماز وقىڭدار دەپ ايتىلماعان» دەگەن ءسوزى سەبەپ بولىپ وتىر.
قمدب اتالعان ازاماتتىڭ ارەكەتىن قوعامعا ىرىتكى سالىپ, الاۋىزدىق تۋدىرۋ دەپ باعالادى.
سونىمەن بىرگە قاسيەتتى قۇران كارىمدە 5 ۋاقىت نامازدىڭ پارىز ەتىلگەنى تۋرالى ناقتى اياتتار كەلتىردى:
«اللا تاعالا قۇراننىڭ «نيسا» سۇرەسىنىڭ 103-اياتىندا: «...نامازدى كەمەلىنە جەتكىزىپ, ۇزبەي ءارى ۋاقىتىلى وقىڭدار... ءشۇباسىز, ناماز مۇمىندەرگە بەلگىلى ۋاقىتتاردا (وتەلسىن دەپ) پارىز ەتىلدى» دەپ بۇيىرعان.
«ەندەشە, كەش باتىرىپ, تاڭ اتىرعاندارىڭدا (ياعني كەشكى, تۇنگى جانە تاڭعى نامازدا) اللانىڭ ءمىنسىز, كەمشىلىك اتاۋلىدان ادا ەكەنىن ايتىپ جار سالىڭدار!» («رۇم» سۇرەسى, 17-ايات);
«ەكىندى جانە تۇسكى ۋاقىتتا (ياعني ەكىندى جانە تۇسكى نامازىندا) دا; كوكتەردە دە, جەردە دە بار ماداق پەن شەكسىز شۇكىرشىلىك ءبىر وزىنە عانا ءتان ەكەنىن ايتىپ جار سالىڭدار!» («رۇم» سۇرەسى, 18-ايات);
«كۇندىزدىڭ ەكى ۋاقىتىندا (بەسىن, ەكىنتى), سونداي-اق ءتۇننىڭ كۇندىزگە تاياۋ ۋاقىتتارىندا (تاڭسارى, اقشام, قۇپتان) ناماز وقى. شىنىندا, جاقسىلىقتار جاماندىقتاردى (ياعني, كىشىگىرىم كۇنالاردى) جويادى. بۇل – ويلانىپ, عيبرات الاتىندار ءۇشىن ايتىلعان بىرەر ناسيحات» («ھۋد» سۇرەسى, 114-ايات).
«وسىنداي اشىق اياتتارعا قارسى كەلۋ ناعىز اداسۋشىلىق دەپ ەسەپتەيمىز. ەلىمىزدەگى ءاربىر ازامات قازاق قوعامىنىڭ تۇتاستىعىن ساقتاۋعا مۇددەلى بولۋى كەرەك.
س.رىسجانوۆ ءوزىنىڭ ارنايى ءدىني ءبىلىمىنىڭ بولماعانىنا قاراماستان قۇراندى ءوز بەتىنشە ءتۇسىنىپ, مۇسىلمان جاماعاتىنىڭ ءدىني سەنىمىنە سىزات ءتۇسىرىپ, ىرىتكى سالعاندىعى ءۇشىن مۇسىلمان قاۋىمىنان كەشىرىم سۇراۋى ءتيىس.
قازاقستان مۇسىلماندارى ءدىني باسقارماسى مۇنداي شەكتەن شىعۋشىلىققا, ءدىني قۇندىلىقتاردى تەرىس بۇرمالاۋشىلىققا, پارىزدار مەن ءدىني راسىمدەردى جوققا شىعارىپ, قوعامدا ب ۇلىك پەن الاۋىزدىق تۋدىرعان ازاماتتاردىڭ ۇستىنەن سوتقا شاعىم تۇسىرەتىنىن مالىمدەيدى», دەپ جازدى muftyat.kz
