فوتو: primeminister.kz
Qarmet-كە قاتىستى قابىلدانعان جەدەل شەشىمدەردىڭ ارقاسىندا جەلتوقسان ايىندا كاسىپورىندا ءوندىرىس كولەمى ءوسىپ, فەرروقورىتپا مەن كومىر قورى ارتقان. دايىن ءونىمدى جونەلتۋ قايتا جاندانىپ وتىر.
كاسىپورىن قىزمەتىن تۇراقتاندىرۋعا 28,6 ملرد تەڭگە جەكە ينۆەستيتسيا تارتىلىپ, ەڭبەكاقى ۋاقتىلى بەرىلە باستاعان. سونداي-اق سالىق, ءمامس تولەمدەرى دە جۇرگىزىلىپ جاتىر.
وتىرىس بارىسىندا قاتىسۋشىلار كومبيناتتى قاجەتتى شيكىزاتپەن قامتاماسىز ەتۋ, دايىن ءونىم ەكسپورتىن قولداۋ سالىق سالۋ, انىقتالعان ەكولوگيالىق ماسەلەلەردى جويۋ جانە باسقا دا بىرقاتار ماسەلەنى تالقىلادى.
2024 جىلى Qarmet الدىنداعى نەگىزگى مىندەتتەر رەتىندە جۇمىسشىلاردىڭ قاۋىپسىزدىگىن قامتاماسىز ەتۋ, ءوندىرىس كولەمىن ۇلعايتۋ, جاڭا ينۆەستيتسيالىق كەلىسىمشارتتار جاساسۋ جانە ءونىمسىز شىعىنداردى ازايتۋ, ت. ب. ارقىلى ءونىمنىڭ وزىندىك قۇنىن تومەندەتۋ ماسەلەلەرى قويىلدى.
جالپى جاڭا بيزنەس-مودەل اياسىندا الداعى جىلدارى ءوندىرىستى جاڭعىرتۋ جانە قايتا ۇيىمداستىرۋ, قاۋىپسىزدىك كورسەتكىشتەرى مەن ەكولوگيالىق جاعدايدى تۇبەگەيلى جاقسارتۋ (اتاپ ايتقاندا, گازعا كوشۋ), شىعارىلاتىن ءونىم نومەنكلاتۋراسىن قايتا قاراۋ جانە ت. ب. شارالار قابىلدانادى.
پرەمەر-مينيستر مەملەكەتتىك ورگاندار كومبيناتتىڭ وزەكتى ماسەلەلەرىن شەشۋدە قاجەتتى قولداۋ كورسەتۋى كەرەك ەكەنىن اتاپ ءوتتى. وسىعان بايلانىستى ءاليحان سمايىلوۆ ءبىر اپتا ىشىندە ەڭ باسىم مىندەتتەر بويىنشا قاجەتتى شەشىمدەردى قابىلداۋدى تاپسىردى.
