اۋا رايى • 27 جەلتوقسان, 2023

قار قۇرساۋىنان 300-دەن استام ادام قۇتقارىلدى

150 رەت

كورسەتىلدى

1 مين

وقۋ ءۇشىن

قاتتى بوران, جاۋىن-شاشىن, كوكتايعاق سالدارلارىنان رەسپۋبليكالىق, وبلىستىق ماڭىزى بار اۆتوجولدارداعى كولىكتىڭ بارلىق تۇرلەرىنە قوزعالىس شەكتەلگەن وتكەن تاۋلىكتە تجم قۇتقارۋشىلارى جول قىزمەتتەرى مەن ىشكى ىستەر ورگاندارى جانە جەرگىلىكتى اتقارۋشى ورگاندار قىزمەتكەرلەرىمەن بىرلەسىپ قار قۇرساۋىنان 106 ادامدى, ونىڭ ىشىندە 6 بالانى قۇتقارعان. وعان قوسا 223 ادام, ونىڭ ىشىندە 4 بالا ەۆاكۋتسيالاندى, دەپ حابارلايدى Egemen.kz.

شىڭعىس مۇقاەۆ

قار قۇرساۋىنان 300-دەن استام ادام قۇتقارىلدى

فوتو: gov.kz

تجم ءباسپاسوز قىزمەتىنىڭ مالىمەتىنشە, قوستاناي وبلىسى اۋماعىندا رەسپۋبليكالىق, وبلىستىق جانە جەرگىلىكتى ماڭىزى بار جولداردىڭ جابىق ۋچاسكەلەرىندە قار قۇرساۋىندا قالعان جەڭىل كولىكتەردەن 37 ادام تاقاۋ ماڭداعى ەلدى مەكەندەرگە جەتكىزىلگەن.

تۋرا سولاي, اقمولا وبلىسىنان 13 ادام جانە سولتۇستىك قازاقستان وبلىسىنان 27 ادام, ونىڭ ىشىندە 3 بالا جاقىن ەلدى مەكەندەرگە جەتكىزىلدى.

سونىمەن قاتار اقتوبە وبلىسىندا ىزدەستىرىلگەن 2 شوپان امان-ەسەن تابىلعان.