فوتو: Zakon.kz
بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ءىسى بويىنشا بارلىعى 12 ساراپتاما تاعايىندالعانى بەلگىلى.
ء«بىز قۇقىق قورعاۋ ورگاندارىنا 11 ساراپتاما قورىتىندىسىن جىبەردىك. جاقىندا 12-ءشى ساراپتاما كەلىپ ءتۇستى. ول بويىنشا ءتيىستى جۇمىستار جۇرگىزىلىپ جاتىر. قاجەتتى جۇمىستار ورىندالعان سوڭ بەلگىلەنگەن تارتىپپەن ىشكى ىستەر مينيسترلىگىنە جىبەرەمىز. ساراپتاما 30 كۇن بويى جۇرگىزىلۋى مۇمكىن», دەپ ءتۇسىندىردى ازامات ەسقاراەۆ.
وسى تۇستا ادىلەت ءمينيسترى بيشىمباەۆقا قاتىستى قانداي ساراپتامالار جۇرگىزىلىپ جاتقانىن ايتۋدان باس تارتتى.
«بۇل قىلمىستىق پروتسەستىڭ قۇپياسى», دەپ قىسقا قايىردى ول.
ۆەدومستۆو باسشىسى تىلشىلەردىڭ «قۋاندىق بيشىمباەۆ ءومىر بويىنا باس بوستاندىعىنان ايىرىلۋى مۇمكىن بە؟» دەگەن سۇراعىنا دا جاۋاپ بەرمەدى.
ەسكە سالا كەتسەك, بيشىمباەۆتىڭ اكەسى وتاندىق جۋرناليستەرگە شاعىمدانىپ, ىشكى ىستەر مينيسترلىگىنە ارىزىن جولداعان ەدى. ازامات ەسقاراەۆ بۇل ماسەلەگە قاتىستى پىكىر بىلدىرۋدەن باس تارتتى.
