جىل سايىن ءداستۇرلى تۇردە ۇيىمداستىرىلاتىن پرەزيدەنتتىك ورتالىقتاعى سالتاناتتى ماراپاتتاۋ كەشىندە بايراقتى باسەكەلەردە ەل ابىرويىن اسقاقتاتقان سپورتشىلار 18 نوميناتسيا بويىنشا ماراپاتتالدى.
ماراپاتتاۋ راسىمىندە بوكستان الەم چەمپيونى ماحمۇد سابىرحان «جىلدىڭ ۇزدىك سپورتشىسى» اتاعىنا يە بولدى. ماراپاتتى قر تۋريزم جانە سپورت ءمينيسترى ەرمەك بورانباي ۇلى تابىس ەتتى.
ايتا كەتەيىك, ماحمۇد سابىرحان - بەس دۇركىن ەل چەمپيونى, جاستار جانە جاسوسپىرىمدەر اراسىنداعى ازيا چەمپيوناتىنىڭ جەڭىمپازى جانە جاستار اراسىنداعى الەم بىرىنشىلىگىنىڭ قولا جۇلدەگەرى. ال ەرەسەكتەر اراسىندا ازيا چەمپيوناتىندا 2-ورىن, 2021 جىلى الەم بىرىنشىلىگىندە دە فينالدا ءسۇرىنىپ, كۇمىستى قاناعات ەتتى. بيىل بۇل بەلەستى باعىندىرىپ, تاشكەنت تورىندە رينگ قوجايىنى ايبەك جوراەۆتى ايقىن باسىمدىقپەن جەڭىپ, الەم چەمپيونى (54 كەلى) اتاندى.
