فوتو: اشىق دەرەككوز
بەلگىلى بولعانداي, بۇگىندە مينيسترلىكتىڭ اقپاراتتىق جۇيەلەرى سىناقتان ءوتىپ جاتىر, ال 2024 جىلدىڭ 1 قاڭتارىنان باستاپ پايدالانۋعا دايىن بولادى.
«تولەمدەر پرواكتيۆتى فورماتتا جۇزەگە اسادى جانە ءبىر تولەممەن جۇرەدى. تولەمدى العانعا دەيىن قىزمەتكەر ەڭبەك رەسۋرستارى پورتالىندا ءوزىنىڭ جەكە كابينەتىندەگى الدىن الا ەسەپتەۋگە سۇراۋ سالۋ ارقىلى تولەمنىڭ مولشەرىن بىلە الادى. اۆتوريزاتسيادان ءوتىپ, ءوز لوگينىن ەنگىزۋى كەرەك. ەگەر ازامات سول جەردە كورسەتىلگەن سوماعا قاناعاتتانسا, ءوتىنىش بەرەدى. سوعان ساي جۇمىس بەرۋشى ءبىزدىڭ بىرىڭعاي جۇيەگە ەڭبەك شارتى بۇزىلعانى تۋرالى ءتيىس اقپاراتتى ەنگىزەدى. سودان كەيىن ءبىز ماكەت دايىنداپ, تولەم جاسايمىز», دەدى سۆەتلانا جاقىپوۆا.
مينيستر بۇعان دەيىن قازاقستانداعى 2030 جىلعا دەيىنگى قاۋىپسىز ەڭبەك تۇجىرىمداماسىن ۇسىنعان ەدى. سۆەتلانا جاقىپوۆانىڭ ايتۋىنشا, تۇجىرىمدامانىڭ ماقساتى - جۇمىسشىلاردىڭ ەڭبەك ءومىرىنىڭ ساپاسىن جاقسارتۋ جانە ەڭبەك رەسۋرسىن ۇنەمدەۋ.
تۇسىندىرىلگەندەي, بۇل قازاقستانداعى ءوندىرىس جاراقاتىنىڭ كوبەيۋىنە بايلانىستى قاجەت. رەسمي ستاتيستيكاعا ساي, 2022 جىلى جۇمىس ورنىندا زارداپ شەككەندەر سانى 2021 جىلمەن سالىستىرعاندا 15%-عا, كاسىپتىك اۋرۋلار 8%-عا وسكەن.
