بالاباقشا جاسىنداعى بالانىڭ اقىن-جازۋشىلاردى جاتقا ايتىپ وتىرعان ءساتىنىڭ ۆيدەوسىن اناسى تىكتوك پاراقشاسىندا جاريالادى.
"وتىرار" ارناسىنىڭ مالىمەتىنشە, بەينەجازبادا قولىنا «ادەبيەتتىك وقۋ» ءپانىنىڭ وقۋلىعىن ۇستاعان بالاقايدىڭ اناسى كىتاپتى پاراقتاپ وتىرىپ, ۇلىنان ونداعى اقىن-جازۋشىلاردىڭ اتى-جوندەرىن سۇرايدى. ءبۇلدىرشىن بولسا «اباي قۇنانباەۆ, ىبىراي التىنسارين, شاكارىم قۇدايبەردى ۇلى, احمەت بايتۇرسىنوۆ» دەپ قازاق زيالىلىلارىنىڭ ەسىمدەرىن ايتىپ بەرەدى.
بۇل ۆيدەونى كورگەن جەلى قولدانۋشىلارى ءبۇلدىرشىننىڭ ەستە ساقتاۋ قابىلەتىنە تاڭ قالىسىپ, بولاشاقتا عالىم بولسىن دەگەن تىلەكتەرىن ءبىلدىردى.
«مىقتى بالا بولايىن دەپ تۇر», «اللا قالاسا, بالاڭىز ۇلكەن عالىم بولار. ءتىل-كوزدەن امان بولىپ, ۇلكەن ازامات بوپ ءوسسىن», ء«وزىم تەك ابايدى بىلەمىن, قالعاندارىن ۇمىتىپ قالىپپىن. جارايسىڭ, بالاقاي», «كەلەشەكتە جازۋشى بولشى. تەز ۇعادى ەكەن», «كەرەمەت. ءتىل-كوزدەن امال بول, بالاپان», «وسىنشا جاسىندا ءبارىن ءبىلىپ تۇر. ءبىر جەردى تەسىپ شىعادى», «تالابىڭا نۇر جاۋسىن», «بىزدەن جاقسى بىلەدى ەكەن» دەپ جازدى جەلىدەگىلەر.
اۆتوردىڭ جەلى قولدانۋشىلارىنىڭ پىكىرىنە بەرگەن جاۋابىنا سۇيەنسەك, بالاقاي 3 جاستا. شىمكەنت قالاسىندا تۇرادى.
