– ءدال قازىر ءبىز تاريحي ءساتتى باستان وتكەرۋدەمىز. ءتارتىپتى قامتاماسىز ەتۋ مەن ناۋقاس جانىنا اراشا ءتۇسۋ – بۇل قوعامنىڭ دامۋىنا سەپتىگى مول مىزعىماس قۇرال قاشاندا. ايماعىمىزعا ءوزىنىڭ الەۋمەتتىك باعدارلاماسى بار جاڭا ينۆەستور كەلدى. ەندى مىنە, حالىقتىڭ يگىلىگىنە ەڭبەك ەتەر جاندارعا ارنايى كولىكتەر بەرىلىپ وتىر. مەتاللۋرگيا كومبيناتى ايماقتىڭ الەۋمەتتىك-ەكونوميكالىق ومىرىندە ەرەكشە ورىن الاتىنى قۋانتادى, – دەدى وبلىس اكىمىنىڭ ورىنباسارى ەرلان قۇسايىن كىلت تابىستاۋ كەزىندە.
سۋداي جاڭا اۆتوكولىكتەر – «Qarmet» كاسىپورنىنىڭ تارتۋى. پوليتسيا قىزمەتىنە 10, جەدەل جاردەمگە 5 كولىك بەرىلدى. كولىكتەر Chevrolet جانە JAC ماركالى. جاڭا كولىكتەر تولىعىمەن زاماناۋي قۇرىلعىلارمەن جابدىقتالعان.
«قاۋىپسىزدىك ماسەلەسى قاراعاندىلىقتار ءۇشىن ءبىرىنشى ورىندا تۇرۋى ءتيىس. بۇل تەك كومبيناتقا نەمەسە شاحتالارعا عانا قاتىستى ەمەس, قالا ىشىندەگى قاۋىپسىزدىكتىڭ ءمانى زور. از دا بولسا, ءبىزدىڭ قوسىپ جاتقان ۇلەسىمىز وسىناۋ قالا حالقىنىڭ, ونىڭ ىشىندە, ەلگە قىزمەت ەتكەن جاندارعا پايدالى بولادى دەپ ۇمىتتەنەمىز», دەدى «Qarmet» باس ديرەكتورى ۆاديم باسين.
جاڭا ينۆەستوردىڭ ايماعىمىزعا اكەلگەن العاشقى يگى سىيى – وسى.
قاراعاندى وبلىسى
