سۋرەت: ۆيدەودان سكرين
جول قوزعالىسى ەرەجەلەرىن بۇزعانىن بايقاعان پاترۋلدىك پوليتسيا قىزمەتكەرى كولىككە جاقىنداپ, جۇرگىزۋشىگە ەسكەرتۋ جاساعان. الايدا جۇرگىزۋشى دورەكىلىك كورسەتىپ, قىزمەتكەردىڭ زاڭدى تالاپتارىن ەلەمەي, وقيعا ورنىنان قاشۋعا تىرىسقان.
پوليتسيا قىزمەتكەرى كولىكتىڭ قوزعالىسىنا كەدەرگى كەلتىرگەنىنە قاراماستان جۇرگىزۋشى كولىكتى جۇرگىزۋىن توقتاتپاعان. ول پوليتسيا قىزمەتكەرىن 50 مەترگە دەيىن كاپوتتىڭ ۇستىندە سۇيرەپ, بەلگىسىز باعىتقا قاشىپ كەتكەن. جۇرگىزۋشىنىڭ جەكە باسى دەرەۋ انىقتالدى. 35 جاستاعى رۋدنىي قالاسىنىڭ تۇرعىنى ۇستالىپ, جەرگىلىكتى پوليتسيا باسقارماسىنا جەتكىزىلدى. وقيعانىڭ ءمان-جايى انىقتالىپ جاتىر, كۇدىكتىگە قر قك-ءنىڭ 380-بابى 3-بولىگى بويىنشا (بيلىك وكىلىنە قاتىستى قورقىتۋ نەمەسە كۇش كورسەتۋ ارەكەتتەرى) بويىنشا ءتورت جىلعا دەيىن باس بوستاندىعىنان ايىرۋ جازاسىمەن قىلمىستىق جاۋاپكەرشىلىك جۇكتەلەدى.
پوليتسيا دەپارتامەنتى جاعدايدى وبەكتيۆتى باعالاۋ ءۇشىن پوليتسيا قىزمەتكەرىنىڭ ءىس-ارەكەتىنە قاتىستى قىزمەتتىك تەرگەۋ تاعايىندالعانىن اتاپ ءوتتى.
