تۇرسىن مىرزا, سوندا ابايتانۋ ءىلىمىنىڭ جاڭا ارناسى بەنكەگە تاۋەلدى بولعانى ما؟ بۇل – ماسقارا تۇجىرىم. قولىندا قۇرانى بار مۇسىلمان, ويشىل ابايدى مۇلدەم جات ءدىن تانىمى مەن تۇسىنىگىندەگى بەنكەگە تاۋەلدى ەتۋ ساۋ اقىلعا سيا ما؟
ەدۋارد بەنكەنى بىلاي قويعاندا, شاكارىم قاجى ء«ۇش انىق» دەگەن ەڭبەگىندە «باتىستا اداسۋ پيفاگوردان باستالعان» دەگەن تۇجىرىمعا كەلگەن.
ەدۋارد بەنكە زامانى – ەۋروپانىڭ اداسۋ زامانى. سىزدەر وسۆالد شپەنگلەردىڭ «ەۋروپانىڭ قۇلدىراۋى» (زاكات ەۆروپى) دەگەن ەڭبەگىمەن تانىسسىزدار ما؟
حاكىم اباي ءوزىنىڭ ىزدەنىس ارناسىن تاپقانىن بىلمەۋشى مە ەدىڭىزدەر؟
ون ءۇش جاسار اباي:
فيزۋلي, ءشامسي, ءسايحالي,
ناۋاي, ساعدي, فيرداۋسي,
قوجا حافيز – بۋ ءھامماسي
ءمادات بەر يا شاعيري ءفارياد, – دەمەپ پە ەدى؟
بۇگىنگى تەك-تامىرىمىز بەن باعىت-باعدارىمىز ايقىندالعان كەزەڭدە «اباي ءىلىمىنىڭ جاڭا ارناسى ەۋروپادا, حريستيان الەمىندە» دەۋ نەندەي تۇسىنىككە, ۇعىمعا جاتادى؟
ەندى «ابايتانۋ ءىلىمىنىڭ جاڭا ارناسى ەدۋارد بەنكەدەن باستالادى» دەپ, ابايدى بىلمەستەردى اداستىرىپ, ۇلت دانالىعىن بىلگىلەرىڭىز كەلمەگەندىگىن جاريا ەتىپ وتىرسىزدار.
حريستيان ءىلىمىنىڭ ناسيحاتشىسى ەدۋارد بەنكە كىم؟ مۇسىلمان الەمىنىڭ عۇلاماسى اباي كىم؟
«Egemen Qazaqstan» باسىلىمى پىكىرتالاس اياسىندا بولسىن وسىنداي بىلمەستىك ءسوزدى جاريالاۋدان ساقتانسا ەكەن.
P.S. جان – جاراتۋشىنىڭ قۇپياسى, ءارى قازىناسى. جاندى بەرۋشى دە, الۋشى دا – اللا تاعالا. ەۋروپادا جان تۋرالى ەشقاشاندا دۇرىس باعىتتا تۇجىرىم بولعان ەمەس. بولمايدى دا. سەبەبى ەۋروپا – كۇردەلى, ايقىش-ۇيقىش الەم. ء«ۇش انىقتا» جان تۋرالى شاكارىم ناقتى ايتقان. قايتا وقىڭىزدار!
تۇرسىن مىرزا, ءسىز فيلوسوفيانىڭ نەندەي ءبىلىم سالاسى ەكەنىنەن حابارسىز ەكەنسىز. ايتايىن, فيلوسوفيا – ەۋروپادا قالىپتاسقان ماتەرياليستىك, اتەيستىك ءبىلىم سالاسى.
اباي فيلوسوفيانى بىلگەن, بىراق مويىنداماعان. اباي – حاكىم. اباي – ويشىل, ءدىن جولىنداعى – مۇسىلمان.
عاريفوللا ەسىم,
اكادەميك
