الدىن الا بولجام بويىنشا, 2024 جىلى 18 جاسقا تولاتىن ازاماتتار ءبىر جىل ءۇشىن 160–170 دوللار الادى. ال بيىل دۇنيەگە كەلگەن بالالار 18 جاسقا تولعاندا, 3,5 مىڭ دوللار الۋى ىقتيمال.
قوردان قارجى دوللار اقشا بىرلىگىمەن اۋدارىلىپ وتىرادى. ەسەپشوتتا جينالعان سومانى بالا تەك كامەلەت جاسقا جەتكەندە قولدانا الادى.
«ۇلتتىق قور - بالالارعا». اتا-انالار نە ىستەۋ كەرەك؟
2006 جىلى جانە ودان كەيىنگى جىلدارى دۇنيەگە كەلگەن بالالالارى بار اتا - انا پەرزەنتى ۇلتتىق قوردان بولىنگەن قارجىدان قاعىلماي, كەپىلدى تۇردە اقشا ءتۇسىپ تۇرۋ ءۇشىن:
- بالانىڭ جەكە باسىن كۋالاندىراتىن قۇجات, ونىڭ ىشىندە جسن الۋ كەرەك;
- كامەلەتكە تولماعان بالانىڭ بازاداعى مالىمەتتەرىن: تەگى, اتى, اكەسىنىڭ اتى; تۋعان جىلى; 18-گە تولماعان بالانىڭ جسن مەن ازاماتتىعىن تەكسەرۋ;
- «ەلەكتروندىق ۇكىمەت» ۆەب-پورتالىنداعى «بالالار تۋرالى اقپارات» تاراۋىنداعى جەكە كابينەتتە بالا تۋرالى اقپاراتتىڭ بولۋىن تەكسەرۋ قاجەت.
ارنايى ەسەپشوت اشۋ كەرەك پە؟
ۇلتتىق قوردان بالاعا اقشا ءتۇسىپ تۇرۋ ءۇشىن, ءتۇرلى مەكەمەگە سابىلۋدىڭ قاجەتى جوق.
1. شوتتار «بجزق» اق-دا (ەكىنشى دەڭگەيدەگى بانكتەرگە جۇگىنۋ تالاپ ەتىلمەيدى) ادىلەت مينيسترلىگىنىڭ جەكە تۇلعالارىنىڭ دەرەكقورى نەگىزىندە اۆتوماتتى تۇردە اشىلاتىن بولادى.
2. جىل سايىن قاڭتار ايىندا جوباعا قاتىسقان ساتتەن باستاپ 18 جاسقا تولعانعا دەيىن «بجزق» اق-داعى بالالاردىڭ شوتتارىنا شارتتى تۇردە قاراجات ءتۇسىپ تۇرادى.
مىسالى, ەگەر بالا جوبا باستالعان كەزدە 5 جاستا بولسا, وعان جىل سايىن 13 جىل ىشىندە, ياعني كامەلەتكە تولعانعا دەيىن ۇلتتىق قوردىڭ ينۆەستيتسيالىق تابىسىنىڭ ءبىر بولىگى اۋدارىلادى.
قورداعى قارجىنى بالا قاشان الا الادى؟
18 جاسقا تولعان كەزدە قاراجات بالانىڭ مەنشىگى بولىپ ەسەپتەلەدى. ول جينالعان قاراجاتتى قالاي پايدالانۋدى ءوزى شەشەدى. ء(بىلىم الۋعا نەمەسە تۇرعىن ءۇي جاعدايىن جاقسارتۋعا). ۇكىمەت بۇل رەتتە شەتەلدىك وقۋ ورنىندا وقۋ اقىسىن تولەۋگە قاراجاتتى پايدالانۋدى شەكتەمەۋ تۋرالى شەشىمدى قاراستىرىپ جاتىر.
ءوز كەزەگىندە تۇرعىن ءۇي جاعدايلارىن جاقسارتۋ نەمەسە تۇرعىن ءۇي ساتىپ الۋ ءۇشىن قاراجاتتى پايدالانۋعا تەك قازاقستان اۋماعىندا عانا رۇقسات ەتىلەدى. وسى قاراجاتقا ساتىپ الىنعان تۇرعىن ءۇيدى قايتا ساتۋ بويىنشا شەكتەۋ قويىلمايدى.
