فوتو: اشىق دەرەككوزدەن
ميكروكرەديت كاسىبىن كەڭەيتەمىن نەمەسە جاڭادان كاسىپ باستايمىن دەپ نيەت بىلدىرگەن جاستارعا بەرىلەدى.
2,5 پايىزبەن نەسيە الۋدىڭ ءوز ءتارتىبى بار. ماڭىزدى ساناتتىڭ بىرى قاتىسۋشىلاردىڭ «اگرارلىق نەسيە كورپوراتسياسى» اق-عا وتىنىممەن جۇگىنگەن ۋاقىتتاعى جاسى ەسكەرىلەدى.
«كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. وسى جىلدىڭ 4 قىركۇيەگىنەن باستاپ جاستارعا جىلدىق 2,5% جەڭىلدىكپەن ميكروكرەديت بەرۋ ءۇشىن قابىلداناتىن كەپىلدى م ۇلىك تۇرلەرىنىڭ تىزبەسى كەڭەيتىلگەن», دەپ جازدى ەڭبەك جانە حالىقتى الەۋمەتتىك قورعاۋ مينيسترلىگى.
سونىمەن, كەپىلمەن قامتاماسىز ەتۋ رەتىندە قوسىمشا قابىلدانادى:
- ەكىنشى دەڭگەيدەگى بانكتەردەگى شوتتاردا ورنالاستىرىلعان اقشا قاراجاتى;
- رەسپۋبليكالىق ماڭىزى بار قالالاردا, وبلىستىق ماڭىزى بار قالالاردا, اۋدان ورتالىقتارىندا, وبلىستىق جانە اۋداندىق باعىنىستاعى قالالاردا, سونداي-اق اۋىلداردا جانە اۋىلدىق ەلدى مەكەندەردە جىلجىمايتىن م ۇلىك;
- جەكە مەنشىك قۇقىعىنداعى/باستاپقى ۇزاق مەرزىمدى وتەۋلى جەر پايدالانۋ (جالعا الۋ) (ەگىستىك) قۇقىعىنداعى اۋىل شارۋاشىلىعى ماقساتىنداعى جەر ۋچاسكەلەرى;
- جايىلىمداردى سۋلاندىرۋ جانە قورشاۋ ينفراقۇرىلىمى بار جەر ۋچاسكەلەرى;
- باۋ-باقشا وسىرۋگە ارنالعان جەر ۋچاسكەلەرى;
- مامانداندىرىلعان تەحنيكا.
كەپىلمەن قامتاماسىز ەتۋ بولماعان جاعدايدا كەپىل بەرۋشىنى (اتا-انالارىن, تۋىستارىن جانە ت.ب.) تارتۋعا بولادى.
ءوتىنىم بەرۋ ءۇشىن قۇجاتتار پاكەتىن «اگرارلىق نەسيە كورپوراتسياسى» اق فيليالىنا تاپسىرۋ قاجەت.
قاجەتتى قۇجاتتار ءتىزىمى:
جەكە باسىن كۋالاندىراتىن قۇجات;
جوبا بويىنشا بيزنەس-جوسپار;
شوتتىڭ بولۋى تۋرالى قىزمەت كورسەتەتىن بانكتەن انىقتاما;
كرەديتتىك بەرەشەكتىڭ, ونىڭ ىشىندە قارجى ۇيىمدارىنان مەرزىمى وتكەن بەرەشەكتىڭ بولۋى تۋرالى انىقتاما (كرەديتتەر بولعان كەزدە);
قاتىسۋشىنىڭ/ۇمىتكەردىڭ جالاقىسىن جانە (نەمەسە) وزگە دە تابىستارىن راستايتىن قۇجات (جيناقتاۋشى زەينەتاقى قورىنان ءۇزىندى كوشىرمە) بولعان كەزدە;
كەپىلدى قامتاماسىز ەتۋ رەتىندە بەرىلەتىن م ۇلىكتى باعالاۋ تۋرالى ەسەپ;
كەپىل بەرۋشى جانە كەپىلمەن قامتاماسىز ەتۋ جونىندەگى قۇجاتتار.
ميكروكرەديتتەر تومەندە كورسەتىلگەن تىزىمدەگىلەردى قوسپاعاندا:
- تۇرعىن جىلجىمايتىن م ۇلىكتى (ونىڭ ىشىندە مالشىلار ءۇشىن ۋاقىتشا/تۇراقتى تۇرعىن ۇيلەردى) ساتىپ الۋ, سالۋ نەمەسە جوندەۋ, جەر ۋچاسكەلەرىن ساتىپ الۋ (كەز كەلگەن نىسانالى ماقساتپەن);
- باعالى قاعازداردى ساتىپ الۋ (پورتفەلدىك ينۆەستيتسيالار);
- قارۋدى (ونىڭ ىشىندە قارۋ وندىرۋگە ارنالعان قۇرامداس بولىكتەردى), قۇرامىندا ەسىرتكى بار زاتتاردى نەمەسە ازاماتتىق اينالىمنان الىنعان باسقا دا م ۇلىكتى ءوندىرۋ نەمەسە ساتىپ الۋ;
- ويىن بيزنەسىن ۇيىمداستىرۋ جانە (نەمەسە) دامىتۋ;
- قازاقستان رەسپۋبليكاسىنىڭ زاڭناماسىندا تىيىم سالىنعان تەرروريستىك جانە كەز كەلگەن وزگە دە قىزمەتكە بايلانىستى قىزمەت;
- موتورلى كولىك قۇرالدارىن شىعارۋدى جانە ءوز وندىرىسىندەگى جۇزىمنەن شاراپ ءوندىرۋدى, سونداي-اق تەمەكى جانە\نەمەسە الكوگول ونىمدەرىن ساتىپ الۋدى كوزدەيتىن جوبالار, اكتسيزدەلەتىن تاۋارلاردى/ونىمدەردى شىعارۋ;
- كرەديتورلىق بەرەشەكتى وتەۋ;
- بيزنەستى جۇرگىزۋگە بايلانىستى ەمەس جەكە تۇتىنۋشىلىق ماقساتتاردان باسقا كەز كەلگەن ماقساتقا بەرىلەدى.
ميكروكرەديتتى بەرۋ-بەرمەۋ ماسەلەسىن ارنايى كوميسسيا شەشەدى. ول ءۇشىن ۇمىتكەرلەر وزدەرىنىڭ بيزنەس-جوبالارىن تانىستىرىپ, كوميسسيا الدىندا قورعاۋ كەرەك.
بولاشاق بيزنەس باستاما جوسپارى وزەكتى, دالەلدى, ەكونوميكالىق نەگىزدەلگەن, قوعامدىق ماڭىزى بار, ومىرشەڭ بولۋى ءتيىس جوبانىڭ پىسىقتالۋىن باعالاۋدىڭ ناقتى كريتەريلەرى نەگىزىندە قابىلدانادى.
قازىرگى ۋاقىتتا ميكروكرەديتتەر الۋعا وتىنىمدەر بارلىق وبلىستارمەن قاتار, استانا, الماتى جانە شىمكەنت قالالارىندا قابىلدانىپ جاتىر.
