بۇل جولى جاپونيامەن كۇش سىناستىق. العاشقى گولدى كازۋما ساساكي سوعىپ, ءوز كومانداسىن العا شىعاردى. دەسەك تە ءبىرىنشى كەزەڭ اياقتالار تۇستا ەگور سموليانينوۆ تارازى باسىن تەڭەستىردى. ۇزىلىستەن كەيىن كيريلل لياپۋنوۆ مەرگەندىك تانىتسا, 54-مينۋتتا رۋسلان وسپانوۆ كەزدەسۋدىڭ سوڭعى نۇكتەسىن قويدى. ەسەپ – 3:1. وسىلايشا, جەرلەستەرىمىز قاتارىنان ءتورتىنشى ويىندا جەڭىس تويىن تويلادى. بۇعان دەيىن سەرگەي ستارىگيننىڭ شاكىرتتەرى ماجارستان (5:2), دانيا (3:2) جانە فرانتسيانى (4:0) ۇتقان ەدى.
سانكت-پەتەربۋرگتە ء«بىرىنشى ارنا كۋبوگى» جولىنداعى جارىس باستالدى. تۇساۋكەسەر كەزدەسۋىن بەلارۋسكە قارسى وتكىزگەن قازاقستاننىڭ ۇلتتىق قۇراماسى 2:6 ەسەبىمەن جەڭىلىس تاپتى. ءبىزدىڭ ويىنشىلار اراسىنان ماكسيم مۋسوروۆ پەن ءاليحان ومىربەكوۆ نىسانانى ءدال كوزدەدى.
