فوتو: Qarmet
پرەمەر-مينيستر ءاليحان سمايىلوۆتىڭ توراعالىعىمەن وتكەن تالقىلاۋدا كاسىپورىننىڭ وپەراتسيالىق پروتسەستەرىن تۇراقتاندىرۋ, ونى قاجەتتى شيكىزاتپەن قامتاماسىز ەتۋ, سونداي-اق بىرقاتار قۇقىقتىق راسىمدەردى جۇرگىزۋ شارالارى سىندى وزەكتى ماسەلەلەر قوزعالدى.
سونداي-اق Qarmet-تەگى كومبينات جابدىقتارىن جاڭعىرتۋ, زاماناۋي ءوندىرىس تەحنولوگيالارىن ەنگىزۋ جانە ونەركاسىپتىك قاۋىپسىزدىك ستاندارتتارىن ارتتىرۋدى كوزدەيتىن ينۆەستيتسيالىق باعدارلامانى ىسكە اسىرۋ جوسپارلانىپ وتىر.
كەزەڭ - كەزەڭىمەن جۇزەگە اسىرىلاتىن جوبانىڭ ءبىرىنشى كەزەڭىندە شامامەن 1,3 ملرد دوللار قارجى بولىنەدى.
پرەمەر-مينيستر جاڭا ينۆەستورعا, ەڭ باستىسى, جۇمىسشىلاردىڭ قاۋىپسىزىدىگىن قورعاۋ تالابىن قويدى.
«كاسىپورىن جۇمىسشىلارى الدىنداعى بارلىق مىندەتتەمەلەردى ۋاقتىلى ورىنداۋ قاجەت. وسىعان وراي, ءوندىرىستى ودان ءارى سەرپىندى دامىتۋدىڭ, شىعارىلاتىن ءونىم كولەمىن ۇلعايتۋدىڭ جانە انىقتالعان ەكولوگيالىق زاڭناما تالاپتارىن بۇزۋشىلىقتاردى كەزەڭ-كەزەڭىمەن جويۋ ماڭىزدى», دەدى اليحان سمايىلوۆ.
كەڭەس ناتيجەسىندە Qarmet-ءتى دامىتۋدىڭ ءاربىر باعىتى بويىنشا ورتالىق مەملەكەتتىك ورگاندار جاڭا ينۆەستورمەن بىرگە ناقتى ءىس-قيمىل جوسپارىن ازىرلەۋ تاپسىرىلدى.
