فوتو: Poliسia.kz
«قازاۆتوجول» مەن پوليتسيانىڭ ەسكەرتۋلەرى بولسا دا, كەيبىر جۇرگىزۋشىلەر تراسسالارعا شىعىپ كەتىپ, پوليتسەيلەردىڭ جاردەمىمەن عانا قايعىلى وقيعالاردىڭ الدىن العان جاعدايلار دا ورىن الدى. 12 وبلىستا حالىقارالىق, رەسپۋبليكالىق, جەرگىلىكتى ماڭىزى بار جولداردان بارلىعى 100-دەن استام ۋچاسكەلەر جابىلدى. جۇمىس ىستەپ جاتقان جىلىتۋ پۋنكتەرىنىڭ سانى – 500.
جولداردا سۋىقتا قالعان 1012 ادام قۇتقارىلدى, ونىڭ ىشىندە 25 بالا بار. 1100 جۇرگىزۋشىگە جاردەم جاسالعان. ەكيپاجداعىلاردىڭ بارلىعى العاشقى مەديتسينالىق كومەك كورسەتۋ داعدىلارىن مەڭگەرگەن جانە ءار ەكيپاجدا ارنايى ءدارى-دارمەك قوبديشاسى بار.
نەگىزىنەن ساقشىلار جولدا قالعان ازاماتتاردىڭ كولىك جانارمايىن جىلىتۋعا, بۇزىلعان كولىكتى جوندەۋگە, جىلىتۋ پۋنكتتەرىنە ەۆاكۋاتسيالاۋعا جاردەمدەستى جانە تىزبەكتەلگەن اۆتوكولىكتەردى الىپ ءجۇردى. كوپتەگەن جۇرگىزۋشىلەر مەن جولاۋشىلار پوليتسەيلەرگە ريزاشىلىقتارىن ءبىلدىرىپ, ولاردىڭ ەسكەرتۋلەرىنە قۇلاق اسۋعا كەڭەس بەردى.
