بيىلعى ماۋسىمنىڭ باسىندا اندرەي سكابەلكا جاساقتاعان كوماندا جەڭىلىستەن ءبىر باس كوتەرمەدى. سودان كەيىن ونى عالىم مامبەتاليەۆ الماستىردى. بىراق ول دا جاعدايدى تۇزەي المادى. قانداسىمىزدىڭ جەتەكشىلىگىمەن 25 مارتە مۇز ايدىنىنا شىققان «بارىس» 16 رەت ۇتىلىپ, نەبارى توعىز كەزدەسۋدە جەڭىسكە جەتتى. بۇل كۇندەرى ەلوردالىق كلۋب كوش سوڭىندا كەلەدى. بۇل جاعداي كوماندا باسشىلارىن قاناعاتتاندىرماعاندىقتان كۇنى كەشە ولار مامبەتاليەۆتى ورنىنان بوساتتى. قازىر بۇل مىندەتتى 58 جاستاعى قاراعاندىلىق مامان ولەگ بولياكين ۋاقىتشا اتقارىپ جاتىر. «بارىستى» ول قاي ۋاقىتقا دەيىن جاتتىقتىراتىنى تاياۋ كۇندەرى بەلگىلى بولادى.
سونداي-اق ەل اراسىندا «استانالىق كوماندانىڭ باس باپكەرى بولىپ 47 جاستاعى كانادالىق مامان دەۆيد نەميروۆسكيدىڭ تاعايىندالۋى مۇمكىن» دەگەن دە اڭگىمە بار.
