فوتو: اشىق دەرەككوز
Lada.kz باسىلىمى حابارلاعانداي, قىزدىڭ اناسى پوليتسياعا ارىزدانعان. ونىڭ ايتۋىنشا, بالاباقشا تاربيەشىسى بالاعا قول كوتەرگەن. قىزدىڭ اناسى بالانىڭ دەنەسىندە دە كوگەرگەن ىزدەر بايقالعانىن ايتتى.
وقيعانىڭ ءمان-جايىن انىقتاۋ ءۇشىن بالاباقشادا ورناتىلعان بەينەباقىلاۋ كامەراسىنا جازىلعان ماتەريالدار زەرتتەلدى. بەينەجازباعا قاراعاندا, تاربيەشى بالالاردى ۇيىقتاتىپ جاتقان. كەنەتتەن ول ءبىر بالانى جاتقان جەرىنەن جۇلقىپ الىپ, بەتىنەن ۇرىپ, جاستىققا لاقتىرىپ جىبەرگەن.
«بۇل فاكتى قر قىلمىستىق كودەكسىنىڭ 140-بابىنىڭ 2-بولىگى (كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى, 30 جاستاعى تاربيەشى تەرگەلدى. تەرگەۋ مۇددەسىنە سايكەس وزگە اقپارات جاريالانبايدى», دەپ ءتۇسىندىردى پوليتسيا قىزمەتكەرلەرى.
