ء«بىز پرەزيدەنت قاسىم-جومارت توقاەۆتىڭ قازاق ءتىلىنىڭ, اتاپ ايتقاندا, «قازاق ءتىلى» قوعامىنىڭ تۇراقتى جانە ۇزاقمەرزىمدى دامۋىن قامتاماسىز ەتۋ جونىندەگى كۇش-جىگەرىن قولدايمىز. ءبىرتۇتاس ۇلتتى قالىپتاستىرۋعا ىقپال ەتەتىن باستى فاكتور رەتىندە قازاق ءتىلىنىڭ دامۋىنا لايىقتى ۇلەس قوسۋ – ءبىز, ەل ازاماتتارى ءۇشىن ۇلكەن مارتەبە. ءبىز بيزنەس قاۋىمداستىقتى وسى اسىل باستامانى قولداۋعا شاقىرامىز», دەدى «Kusto Group» ديرەكتورلار كەڭەسىنىڭ توراعاسى ەركىن تاتىشەۆپەن بىرگە ديرەكتورلار كەڭەسىنىڭ مۇشەلەرى داۋلەت نۇرجانوۆ, قانات كوپباەۆ, مۇرات وتەمىسوۆ, تالعات تۇرىمباەۆ, ورازحان قارسىبەكوۆ.
قازاق ءتىلىن قولداۋ ەنداۋمەنت-قورى مەملەكەتتىك ءتىلدى قولداۋمەن, دامىتۋمەن اينالىساتىن ەلىمىزدىڭ ءىرى ۇيىمى حالىقارالىق «قازاق ءتىلى» قوعامىنىڭ باستاماسىمەن قۇرىلعانىن ەسكە سالا كەتەيىك.
ەنداۋمەنت قورىنىڭ ەرەكشەلىگى – قورعا اۋدارىلاتىن قاراجاتتىڭ ءوزى جۇمسالمايدى. ول باسقارىلادى جانە ينۆەستيتسيالانادى. ەنداۋمەنت-قوردىڭ ينۆەستيتسيالىق قىزمەتىنەن تۇسكەن تابىس بەنەفيتسيار-ۇيىمنىڭ جارعىلىق مىندەتتەرىنە باعىتتالادى. بۇل قوردىڭ قاراجاتىن بەدەلدى قوعام قايراتكەرلەرى, لينگۆيست-عالىمدار مەن مەملەكەت وكىلدەرى قاتارىنان تاۋەلسىز قامقورشىلىق كەڭەس باقىلايدى.
ەنداۋمەنت-قوردىڭ كىرىستەرى حالىقارالىق «قازاق ءتىلى» قوعامىنىڭ جۇمىسىن قامتاماسىز ەتۋ جانە مەملەكەتتىك ءتىلدى قولدانۋ اياسىن كەڭەيتۋگە, جاڭعىرتۋعا جانە ودان ءارى دامىتۋعا باعىتتالعان جوبالاردى ىسكە اسىرۋ ءۇشىن گرانتتار تۇرىندە باعىتتالادى.
ورايى كەلىپ تۇرعاندا, «Kusto Group Pte. Ltd» (www.kustogroup.com) – سينگاپۋردا تىركەلگەن ينۆەستيتسيالىق-ونەركاسىپتىك حولدينگ ەكەنىن اتاپ وتكەن ءجون. بۇگىندە «Kusto Group» 4 قۇرلىقتاعى 9 ەلدە مۇناي-گاز, تاۋ-كەن, قۇرىلىس, دامۋ سالاسىندا, قۇرىلىس ماتەريالدارىن وندىرۋدە جانە اۋىل شارۋاشىلىعىندا تابىستى جۇمىس ىستەپ جاتىر.
الماتى
