aqorda_resmi
ء«بىز ۇيرەنەتىن عانا ەمەس, ۇيرەتەتىن ۇلت بولۋىمىز كەرەك. تۇتىناتىن ەمەس, وندىرەتىن مەملەكەت بولۋىمىز قاجەت. مەن بۇل تۋرالى ۇنەمى ايتىپ ءجۇرمىن. «قازاقستاندا جاسالعان» دەگەن تاڭبا ەڭ مىقتى ساپانىڭ, ەڭ جاقسى ءونىمنىڭ بەلگىسىنە اينالۋعا ءتيىس. «التىن ساپا» بايقاۋىنىڭ باستى ماقساتى – وسى. سونىمەن بىرگە, بيزنەس وكىلدەرى حالىق الدىنداعى جاۋاپكەرشىلىكتى تەرەڭ سەزىنۋى كەرەك. ادال ازامات ءوز جاعدايىن عانا جاسامايدى. ول تۋعان اۋىلىنىڭ نەمەسە ءوزى جۇمىس ىستەپ جاتقان ايماقتىڭ قامىن دا ويلايدى. مۇنداي كاسىپكەرلەر كوپشىلىكتىڭ قولداۋىنا جانە العىسىنا يە بولادى. شىن مانىندە, تۋعان ەلدىڭ ىقىلاسىنان ارتىق ماراپات جوق. «پارىز» بايقاۋىنا قاتىسۋشىلار بيىل ءتۇرلى الەۋمەتتىك جوباعا بەلسەنە اتسالىستى. قايىرىمدىلىققا 80 ميلليارد تەڭگەگە جۋىق قارجى جۇمسادى. 6 مىڭنان استام جاڭا جۇمىس ورنىن اشتى», دەگەن ق.توقاەۆ تابىسىن كوپپەن ءبولىسىپ, قايىرىمدىلىققا جۇمساعان اتىمتاي-جومارت ازاماتتار قاشاندا جوعارى قۇرمەتكە لايىق ەكەنىن ايتتى.
