«كاماز ورتالىعىنىڭ اۋماعىندا گاز-اۋا قوسپاسىنىڭ جارىلعانى تۋرالى حابارلاما ءتۇستى. عيمارات قۇلادى. ساعات 15:00-دە ءۇيىندى استىنان ءۇش ادامدى الىپ شىقتىق. ولاردىڭ ءبىرىنىڭ جاعدايى اۋىر. الدىن الا مالىمەت بويىنشا, 12 ادام زارداپ شەگىپ, ولارعا مەديتسينالىق كومەك كورسەتىلگەن. ەكەۋى ۇيلەرىنە جىبەرىلدى, قالعاندارى ءالى اۋرۋحانادا. جۇمىس بەرۋشىلەردىڭ ءتىزىمى بويىنشا ءۇيىندى استىندا ءۇش ادامعا دەيىن بولۋى مۇمكىن, بىراق بۇل ۇيىمعا قاتىسى جوق تاعى قانشا ادام بار ەكەنى بەلگىسىز. ياعني, بۇل كليەنتتەر بولۋى مۇمكىن. سوندىقتان قازىر جۇمىس جۇرگىزىلىپ جاتىر. كومپانيانىڭ قانداي قىزمەت كورسەتكەنىن ناقتى ايتا المايمىن», دەدى جۋرناليستەرگە قوستاناي وبلىسى توتەنشە جاعدايلار دەپارتامەنتىنىڭ باسشىسى قايرات قاسىم.
ونىڭ ايتۋىنشا, قۇرىلىس جۇمىستارى مەن زاقىمدانعان تەحنيكالاردىڭ قالدىقتارى ىزدەۋ جۇمىسىن قيىنداتىپ تۇر.
«بىراق قاجەتتى قۇرال-جابدىقتاردى اكەلدىك. ءبىز قورقاتىن جالعىز ماسەلە - ءۇيىندى استىندا قالعاندارعا زيان كەلتىرمەۋ», دەپ قوستى قايرات قاسىم.
ەستەرىڭىزگە سالا كەتەيىك, بۇگىن ساعات شامامەن 12:36-دا قوستاناي قالاسىنداعى امانگەلدى ەلدى مەكەنىندە گاز جارىلىپ, ءبىر قاباتتى عيماراتتىڭ توبەسى وپىرىلىپ جەرگە ءتۇسىپ قالدى.
