پرەزيدەنتكە ءوڭىر ەكونوميكاسىنىڭ بىرقاتار سالاسىندا وڭ ناتيجەلەر بار ەكەنى تۋرالى مالىمەت بەرىلدى. نەگىزگى كاپيتالعا سالىنعان ينۆەستيتسيا كولەمى 530 ميلليارد تەڭگەگە جەتكەن. ونىڭ ىشىندە جەكە ينۆەستيتسيا 435 ميلليارد تەڭگەدەن اسقان. 154 جوبا ىسكە اسىرىلىپ, 1,5 مىڭ جۇمىس ورنى اشىلعان.
مارات احمەتجانوۆتىڭ ايتۋىنشا, شارۋالاردى قولداۋ جانە قايتا وڭدەلگەن ءونىم ۇلەسىن ارتتىرۋ شارالارى تۇراقتى تۇردە قابىلدانىپ جاتىر. جىل باسىنان بەرى وسىمدىك مايى, وڭدەلگەن ەت, ءسۇت, ماي, ىرىمشىك جانە سۇزبە سياقتى ازىق-ت ۇلىك تۇرلەرىن ءوندىرۋ كورسەتكىشى وسكەن. ماكينسك قۇس فابريكاسىنىڭ 3-كەزەڭى ىسكە قوسىلدى جانە «اق-دالا اگرو» جاۋاپكەرشىلىگى شەكتەۋلى سەرىكتەستىگىنىڭ وندىرىستىك قۋاتى كەزەڭ-كەزەڭىمەن ارتىپ كەلەدى. بۇل وبلىستىڭ قۇس ەتىن ءوندىرۋ بويىنشا ەلىمىزدە كوشباسشى وڭىرلەردىڭ بىرىنە اينالۋىنا مۇمكىندىك بەردى.
كەزدەسۋدە جىلىتۋ ماۋسىمىنىڭ بارىسىنا دا ەرەكشە نازار اۋدارىلدى. وبلىس اكىمى بارلىق كوممۋنالدىق قىزمەتتىڭ جۇمىسى قاتاڭ باقىلاۋعا الىنعانىن, كوكشەتاۋ جانە ستەپنوگورسك قالالارىنداعى نىسانداردىڭ كەزەڭ-كەزەڭىمەن جاڭعىرتىلعانىن جەتكىزدى.
بۇدان بولەك, پرەزيدەنتكە كوكشەتاۋ قالاسىن دامىتۋعا قاتىستى باس جوسپاردىڭ جوباسى ازىرلەنگەنى تۋرالى اقپارات بەرىلدى. بۇل جوبا قالانىڭ ەكولوگيالىق جانە ينفراقۇرىلىمدىق ماسەلەلەرىن شەشۋدى كوزدەيدى.
سونىمەن قاتار مەملەكەت باسشىسىنا حالىقتىڭ تۇرمىسىن جاقسارتۋعا جانە ىرگەلەس ميگراتسيانى تومەندەتۋگە ىقپال ەتەتىن اگلومەراتسيانى دامىتۋ جونىندەگى جاڭا كەشەندى جوسپاردىڭ جوباسى تانىستىرىلدى.
كەزدەسۋ سوڭىندا قاسىم-جومارت توقاەۆ ءوڭىردى ودان ءارى دامىتۋ, اۋىل شارۋاشىلىعى ونىمدەرىن تەرەڭ وڭدەۋ جوبالارىن ىسكە اسىرۋ, ينۆەستيتسيا تارتۋ, سونداي-اق اقمولا وبلىسىنىڭ قالالارىن جىلۋمەن ۇزدىكسىز قامتاماسىز ەتۋ جونىندە بىرقاتار تاپسىرما بەردى.
