ءتۋرنيردىڭ جالپى جۇلدە قورى 1 500 000 تەڭگە. جەڭىمپاز 500 000 تەڭگە نەمەسە جەلتوقسان ايىنىڭ سوڭىندا سامارقاند قالاسىندا وتەتىن راپيد پەن بليتس بويىنشا الەم چەمپيوناتىنا جولداما-گرانت يەگەرى اتانادى.
جارىس شۆەيتساريالىق جۇيەگە جانە فيدە ەرەجەسىنە سايكەس 7 تۋر بويى «Swiss-Manager» كومپيۋتەرلىك جەرەبەسىن قولدانا وتىرىلىپ وتكىزىلەدى. قاتىسۋشىعا پارتيا سوڭىنا دەيىن 10 مينۋت بەرىلەدى, بۇعان ءار جۇرىسكە 5 سەكۋند قوسىلادى.
بايراقتى دودا 15 جەلتوقسان ساعات 11:00-15:30 ارالىعىندا الماتى قالاسى قوجانوۆ كوشەسى, 2/2 مەكەنجايىندا وتەدى. ءتۋرنيردىڭ باستى سەرىكتەسى - Freedom Broker كومپانياسى.
قاتىسۋشىلاردى تىركەۋ 2023 جىلدىڭ 12 جەلتوقسانى ساعات 12.00-دە اياقتالادى. وتىنىمدەر yernur.sovetkali@kazchess.kz ەلەكتروندى پوشتاسى ارقىلى قابىلدانادى.
