سونىمەن سالىق كودەكسىنىڭ 498-بابىنا سايكەس مەنشىك قۇقىعىندا, تۇراقتى جەر پايدالانۋ قۇقىعىندا, باستاپقى وتەۋسىز ۋاقىتشا جەر پايدالانۋ قۇقىعىندا سالىق سالۋ وبەكتىلەرى بار تۇلعالار جەر سالىعىن تولەۋشىلەر بولىپ تابىلادى.
ودان ءارى جەر ۋچاسكەلەرىنە سالىق سالۋ ماقساتىندا سالىق كودەكسىنىڭ 61-تاراۋىنا سايكەس سالىق ستاۆكالارى قولدانىلادى.
سالىق كودەكسىنىڭ 505-بابىندا ەلدى مەكەندەردەگى جەر ۋچاسكەلەرى ءۇشىن بازالىق سالىق ستاۆكالارى كورسەتىلگەن جانە سالىق كودەكسىنىڭ 505-بابى كەستەسىنىڭ 3-باعانىندا كورسەتىلگەن بازالىق ستاۆكالار بويىنشا سالىق سالۋعا جاتادى.
ياعني, عيماراتتار مەن قۇرىلىستاردى قوسا العاندا, تۇرعىن ءۇي قورى الىپ جاتقان اۋداندىق ماڭىزى بار قالالارداعى جەر ۋچاسكەلەرىنە ءبىر شارشى مەترگە 0,39 تەڭگە سالىق ستاۆكاسى سالىنادى.
ال تۇرعىن ءۇي قورى, قۇرىلىستار نەمەسە قۇرىلىستار الىپ جاتپاعان جەرلەر ءۇشىن شارشى مەترى ءۇشىن 6,75 تەڭگە مولشەرلەمەسى قولدانىلادى.
سالىق كودەكسىنىڭ 48-بابىنىڭ 1-تارماعىنىڭ 1-تارماقشاسىنا سايكەس سالىق ورگانى 3 جىل ىشىندە سالىقتار مەن بيۋدجەتكە تولەنەتىن تولەمدەردىڭ ەسەپتەلگەن سوماسىن ەسەپتەۋگە نەمەسە قايتا قاراۋعا قۇقىلى.
ۋاكىلەتتى ورگاننان كەلىپ تۇسكەن مالىمەتتەر نەگىزىندە قوناەۆ قالاسىندا جەكە تۇرعىن ءۇي قۇرىلىسىنىڭ نىسانالى ماقساتى بويىنشا تۇرعىن ءۇي قورىمەن قامتىلماعان, مەنشىك يەلەرى جەكە تۇلعالار بولىپ تابىلاتىن 3 720 جەر ۋچاسكەلەرى انىقتالدى.
ۋاكىلەتتى ورگاننىڭ مالىمەتتەرى نەگىزىندە قوناەۆ قالاسى بويىنشا مەملەكەتتىك كىرىستەر باسقارماسىمەن سالىق كودەكسىنىڭ 505 بابىنا سايكەس, قوناەۆ وبلىستىق ماڭىزى بار قالا بولعاندىقتان, سالىق ءبىر شارشى مەترگە 6,75 تەڭگە بازالىق مولشەرلەمە بويىنشا ەسەپتەلەدى.
قوناەۆ قالاسى بويىنشا 3720 جەر ۋچاسكەسىنە 2020-2022 جىلدارعا ەسەپتەلگەن جالپى سالىق سوماسى 75,3 ملن تەڭگەنى قۇرادى.
بۇگىنگى كۇنى 1846 سالىق تولەۋشى 32,0 ملن تەڭگە سالىق تولەدى.
سونداي-اق سالىق كودەكسىنىڭ 117-بابىنا سايكەس, ەگەر سالىق تولەۋشى بۇرىن ءتيىستى سالىق كەزەڭىندە جانە جەر سالىعىنىڭ ناقتىلانعان سوماسىن تولەۋ كەزىندە جەر سالىعى بويىنشا تولەمدەر جۇرگىزگەن بولسا, وندا وسى كەزەڭ ءۇشىن ءوسىمپۇل ەسەپتەلىنبەيدى.
