وبلىستىق تۋريزم باسقارماسى بيىل ءوڭىردىڭ نەگىزگى تۋريستىك ورىندارىنا ناۆيگاتسيالىق جۇيەنى ورناتۋ جوباسىن ىسكە اسىرۋدى باستاعان ەدى. اتاپ ايتساق, تاڭبالى تاس, تۇرگەن جانە تالعار, ساتى شاتقالدارى, اسسى ءۇستىرتى, تالحيز قالاشىعى, كولساي, قايىڭدى جانە ەسىك كولدەرى, قارا كانون تۋريستىك باعىتتارى بويىنشا جۇمىستار جۇرگىزىپ, ناتيجەسىندە بەلگىلەنگەن نۇكتەلەرگە 42 بىرلىك باعىتتاۋشى بەلگىلەر مەن ستەللالار ورناتتى.
سونداي-اق 120-دان اسا دەمالىس ايماعى ورنالاسقان قاپشاعاي سۋ قويماسىنىڭ جاعالاۋىندا تۋريستىك باعىت-باعدار جۇيەسىن كەڭەيتۋ جۇمىستارى جۇرگىزىلگەنىن اتاۋ ءلازىم.
تابيعي رەسۋرستارعا باي ءارى قولايلى ينۆەستيتسيالىق كليماتى بار پەرسپەكتيۆالى ءوڭىردىڭ ايتارلىقتاي ءوندىرىس الەۋەتى بار. سونىمەن قاتار وبلىس بارلىق ماۋسىمدىق ءتۋريزمدى دامىتۋعا وتە قولايلى. مۇندا ءتۋريزمنىڭ تۇرلەرىن, اتاپ ايتقاندا كيەلى, ەكولوگيالىق, مادەني-تاريحي, كەمپينگ, گاسترونوميالىق, اڭشىلىق, ەتنوگرافيالىق, ءتىپتى الەۋمەتتىك تۇرلەرىن تولىقتاي دامىتۋعا بولادى. بۇل ايماق بۇگىندە ەلدىڭ بيزنەس-قوعامداستىعىن جانە شەتەلدىك تۋريستەردى تارتۋدا بەلسەندى.
«جەڭىل ينفراقۇرىلىمدى قۇرۋ ەلىمىزدىڭ تۋريستىك سالاسىن دامىتۋدىڭ 2023-2029 جىلدارعا ارنالعان تۇجىرىمداماسىن ىسكە اسىرۋ شەڭبەرىندە جۇرگىزىلدى. نەگىزگى ماقساتى – تۋريزم ينفراقۇرىلىمىن جاقسارتۋ, تۋريستەردىڭ تۋريستىك-رەكرەاتسيالىق ايماقتارعا جەتۋىن جەڭىلدەتۋ جانە تۋريستەردىڭ بەيتانىس ايماقتاردا ىڭعايلى جۇرۋىنە جاعداي جاساۋ.
قابىلدانىپ جاتقان ءىس-شارالار ءوڭىردىڭ تارتىمدى تۋريستىك ورتالىق رەتىندە دەستيناتسيانىڭ وڭ ءيميدجىن قالىپتاستىرۋعا مۇمكىندىك بەرەدى. سونداي-اق وبلىس اۋماعىندا تۋريستەردىڭ جايلى جانە ىڭعايلى ساپارلاۋىنا جانە وڭ كەرى بايلانىس ارقىلى تۋريستەر سانىنىڭ ارتۋىنا ىقپال ەتەدى», دەيدى «الماتى وبلىسىنىڭ تۋريستىك اقپاراتتىق ورتالىعى» كمقك ديرەكتورىنىڭ ورىنباسارى ازامات جولدانباەۆ.
الماتى وبلىسى
