“بيزنەستىڭ جول كارتاسى-2020”

مەملەكەتتىك باعدارلاماسىنا قاتىستى تۇيتكىلدى ماسەلەلەر تەز شەشىمىن تابۋى ءتيىس “بيزنەستىڭ جول كارتاسى-2020” باعدارلاماسىنىڭ ىسكە اسى­رى­لۋىنا مۇددەلى كوميسسيانىڭ بەي­نە-كونفەرەنتسيا تۇرىندەگى وتى­رىسى ءوتتى. “نۇر وتان” حدپ پار­تيالىق باقىلاۋ كوميتەتى جانىنان قۇرىلعان مەملەكەتتىك قاراجاتتىڭ پايدالانىلۋىن باقىلاۋ جونىندەگى بۇل كوميسسيا ەلباسى, پارتيا ءتور­اعاسى ن.نازارباەۆتىڭ تاپسىرما­سى­نا سايكەس جۇمىس اتقارۋدا. وتى­رىسقا ەكونوميكالىق دامۋ جانە ساۋدا, يندۋستريا جانە جاڭا تەحنولوگيالار مينيسترلىكتەرىنىڭ, “دامۋ” كاسىپكەرلىكتى دامىتۋ قورى اق-تىڭ, “اتامەكەن” وداعى” قازاق­ستاننىڭ ۇلتتىق ەكونوميكالىق پالاتاسىنىڭ باسشىلارى, وبلىس­تار, استانا جانە الماتى قالالارى اكىمدىكتەرىنىڭ, ەكىنشى دەڭگەيلى بانكتەر, قارجىگەرلەر قاۋىمداس­تى­عىنىڭ, شاعىن جانە ورتا كاسىپكەرلىكتىڭ وكىلدەرى, پارتيانىڭ ايماقتىق فيليالدارىنىڭ باس­شىلارى قاتىستى. “بيزنەستىڭ جول كارتاسى-2020” ەلباسىنىڭ بيىلعى حالىققا جولداۋى مەن قازاقستاندى 2020 جىل­عا دەيىنگى دامىتۋدىڭ ستراتە­گيا­لىق جوسپارىن ىسكە اسىرۋ ماق­ساتىندا ازىرلەنگەنى بەلگىلى. اتالعان باعدارلامانىڭ جۇزەگە اسىرىلۋى ءبىرىنشى كەزەكتە قارجىعا كەلىپ تىرە­لەتىندىكتەن, 2010 جىلى مەملەكەت قورجىنىنان 30 ملرد. تەڭگە قا­راجات بولىنگەن. ول قاراجاتتىڭ 12 ملرد.-قا جۋىعى جاڭا بيزنەس-جوبالاردى قولداۋعا, 16 ملرد. تەڭ­گەسى كاسىپكەرلىك سەكتوردى جاندان­دىرۋ مەن ساۋىقتىرۋعا, ال قالعان 2 ملرد. تەڭگەسى جۇمىسى تىكەلەي ەكسپورتقا باعىتتالعان ءوندىرىس ورىندارىنا بولىنگەن بولاتىن. مەملەكەتتىك قاراجاتتىڭ پايدا­لانىلۋىن باقىلاۋ جونىندەگى كوميس­سيانىڭ جەتەكشىسى, ءماجىلىس دەپۋتاتى گۇلجان قاراعۇسوۆانىڭ ايتۋىنشا, باعدارلاما ەڭ الدىمەن مەملەكەتتى جەدەلدەتە يندۋستريا­لان­دىرۋ ۇدەرىسىن باسشىلىققا الماق. ال بۇل ءوز كەزەگىندە ەكونو­ميكانىڭ شيكىزاتتىق ەمەس سەك­تو­رىنداعى ايماقتىق كاسىپكەرلىكتى تۇراقتى ءارى تەڭگەرىمدى دامىتۋعا, قازىرگى تاڭداعى جۇمىس ورىندارى­نىڭ ساقتالۋى مەن جاڭا جۇمىس ورىن­دارىن اشۋعا سەپ بولماق. “سول سەبەپتى دە, پارتيا جانىنان قۇرىلعان كوميسسيا الداعى ۋاقىتتا وسى باعدارلامانىڭ جۇيەلى جۇمىس ىستەۋىن قاداعالاپ وتىراتىن بولادى. بۇل رەتتە باعدارلاماعا بولىنگەن قاراجاتتىڭ دۇرىس پايدالانىلۋىن قاداعالاۋ باعىتىندا ارنايى مو­نيتورينگتىك تەكسەرۋ جۇمىستارى جۇرگىزىلۋدە. تاعى ءبىر ەسكەرەتىن ءجايت, بۇل باعدارلاما اياسىندا بولىنگەن قاراجاتتى ەلىمىزدەگى حالىق سانىنا بايلانىستى قايتا قاراۋىمىز قاجەت”, دەيدى گ.قارا­عۇسوۆا. ەكونوميكالىق دامۋ جانە ساۋ­دا مينيسترلىگىنە قاراستى ينۆەس­تي­تسيالىق ساياسات دەپارتامەنتى ديرەك­تورىنىڭ ورىنباسارى ارمان ابەنوۆ قازىرگى ۋاقىتتا ماڭىزدى جوبالاردى سۇزگىدەن وتكىزۋ ءۇردىسى ءجۇرىپ جاتقانىن تىلگە تيەك ەتتى. “بۇگىندە وڭىرلەر بويىنشا قارا­جات ءبولۋ ماسەلەسى حالىق سانى بويىنشا جۇرگىزىلۋدە. الايدا, بۇعان كوپتەگەن ايماقتار ءوز قاۋىپ­تەرىن دە العا تارتىپ وتىر. وسى سەبەپتى ءبىز باعدارلامانىڭ قالاي ءوربيتىنىن الدىن-الا باقىلايتىن بولامىز. ال كەلەر جىلى ءجۇر­گىزىلگەن باقىلاۋ ناتيجەسىنىڭ نەگىزىندە باسقا سىزبا ازىرلەپ, ءار وڭىردەگى حالىق سانىنا ەمەس, ولاردىڭ تۇتىنۋ كورسەتكىشىنە بايلانىستى قاراجات بولەتىن بولامىز”, دەدى ول. وتىرىس سوڭىندا كوميسسيا مۇشەلەرى باعدارلامانى ورىنداۋ بارىسىندا كەزدەسكەن وزەكتى ءما­سەلەلەر بويىنشا ارنايى ۇسى­نىمدار ازىرلەدى. بۇل ۇسىنىمدار ەل ۇكىمەتىنە جولدانادى. ءلايلا ەدىلقىزى.