فوتو: وقك تەلەگرام
قازىردىڭ وزىندە جاعادان 20 كم كەتكەن جەرلەرى بار. جايىقتىڭ قۇياتىن جەرىندە 45-50 سم دەيىن تايازدانىپ كەتكەن. اتالعان تۇستا كەمەنىڭ, بالىقتىڭ وتۋىنە قيىندىقتار تۋىنداپ وتىر.
وبلىس اكىمىنىڭ ايتۋىنشا مەملەكەت باسشىسى كاسپيدى زەرتتەۋ جونىندەگى ينستيتۋت قۇرۋ جونىندە ارنايى تاپسىرما بەرگەن. عىلىم جانە جوعارى ءبىلىم, سۋ رەسۋرستارى مينيسترلىكتەرىمەن بىرلەسە وتىرىپ, قازىرگى ۋاقىتتا ينستيتۋت قۇرىلىپ جاتىر. ونىڭ نەگىزگى بولىگى اقتاۋ قالاسىندا, ماڭعىستاۋدا بولادى, ال فيليالى اتىراۋدا ورنالاساتىنى جوسپارلانعان.
«عالىمدار زەرتتەپ, ءوز ۇسىنىستارىن بەرۋ كەرەك دەپ ويلايمىن. كاسپيگە قۇياتىن جايىقتىڭ ءتۇسىمى بىلتىر دا, بيىل دا بىرقالىپتى بولدى, سوعان قاراماستان تەڭىز تارتىلىپ بارادى. بۇل سۋدىڭ تۇسىمىنە بايلانىستى ەمەس تە شىعار. سەبەبى كاسپيدەگى سۋ ايدىنىنىڭ, ىشكى تەمپەراتۋراسىنىڭ دا ءوسۋى بايقالادى. سوندىقتان ماماندار زەرتتەگەننەن كەيىن عانا بەلگىلى ءبىر شارالار قابىلدانىپ, جۇمىستار جۇرگىزىلەدى», دەدى وبلىس باسشىسى.
