رەسەي ازاماتى تۋىسىمەن بىرگە بىشكەكتەن ەكاتەرينبۋرگكە بارا جاتقان. كەشكىلىك قاراعاندىعا تاياپ قالعاندا اۋا رايى كۇرت ناشارلاپ, جۇرگىزۋشى تىزگىنگە يە بولا الماي, جولدان ۇشىپ كەتكەن. كولىك يەسى جەڭىل جاراقات الىپ, جانىنداعى تۋىسى جەدەل جاردەم شاقىرعان.
ۋچاسكەلىك پوليتسيا قىزمەتكەرى قيىن جاعدايعا تاپ بولعان رەسەيلىكتەرگە ەۆاكۋاتور شاقىرىپ, كولىگىن تيەۋگە كومەكتەسەدى. مۇنىمەن قوسا, جولاۋشىلارعا كولىكتەرىن جىلدام ءارى ساپالى جوندەۋگە بولاتىن تەحنيكالىق قىزمەت كورسەتۋ ورتالىعىن تاۋىپ بەرەدى.
ارادا ءبىراز ۋاقىت وتكەننەن كەيىن قاراعاندى وبلىسى پوليتسيا دەپارتامەنتىنىڭ باسشىسى سانجار ادىلوۆكە تۇمەن وبلىسىندا تۇراتىن رەسەي ازاماتى الەكساندر ورلوۆتان حات كەلەدى.
«جول اپاتى سالدارىنان تۋىنداعان ماسەلەنى شەشۋگە كومەكتەسكەن قازاقستان رەسپۋبليكاسى ىشكى ىستەر مينيسترلىگىنىڭ قىزمەتكەرلەرىنە شەكسىز العىسىمىزدى بىلدىرەمىز. ولار ادامگەرشىلىك, قامقورلىق پەن كاسىبي بىلىكتىلىك تانىتتى. جول پوليتسياسى قىزمەتكەرلەرى مەن اۋماقتىق پوليتسيا بولىمشەلەرىنىڭ شۇعىل تۇردە جۇرگىزگەن شارالارى زارداپتىڭ اۋىرلىعىن بارىنشا ازايتۋعا مۇمكىندىك بەردى. اسىرەسە اباي اۋدانىنا قاراستى توپار پوليتسيا ءبولىمىنىڭ ۋچاسكەلىك ينسپەكتورى رۋسلان ءىلياسوۆتىڭ كاسىبي شەبەرلىگىن, ادامگەرشىلىگىن اتاپ وتەر ەدىك. قيىن ساتتە وسىنداي ءوز كاسىبىنە ادال ازاماتتاردى كەزدەستىرگەنىمىزگە قۋانىشتىمىز», دەلىنگەن جولدانعان حاتتا.
قاراعاندى وبلىسى
