فوتو: senate.parlam.kz
سەناتور ەلەكتر ەنەرگياسى ەلىمىزدىڭ ەكونوميكالىق دامۋىنا سەرپىن بەرەتىنىن جەتكىزدى.
«ەلەكتر جەلىلەرىنىڭ كوپ بولىگى 1970 جىلدارى سالىنعان. 2002-2019 ۇلتتىق ەلەكتر جەلىسىن جاڭعىرتۋعا باعىتتالعان جوبالالار ىسكە اسىرىلدى. باستاپقى جابدىقتاردىڭ توزۋ دەڭگەيىنىڭ تومەندەگەنى بايقالادى. بۇگىنگى كۇندە ورتا ەسەپپەن العاندا 66%-دان استامى توزىعى جەتىپ وتىر. ماسەلەن ۇلىتاۋ وبلىسى, ۇلىتاۋ اۋدانىنداعى جالپى ۇزىندىعى 356 شاقىرىم جەلىسىنىڭ 70-80%-ى توزىپ تۇر. قاراجال, جايرەمدەگى ەلەكتر جەلىسىنىڭ دە 65%-ى توزعان. كۇردەلى جوندەۋ بىرنەشە جىلدان بەرى كورمەگەن. ۇلتتىق ەكونوميكا مينيسترلىگى جەرگىلىكتى اتقارۋشى ورگاندارىمەن بىرگە سەنىمگەرلىك باسقارۋعا ۇسىنا وتىرىپ, جەلىلەردى كوممۋنالدىق مەنشىككە بەرۋدى ازىرلەۋ بويىنشا جۇمىستاردى جۇرگىزدى. ەنەرگيا تاراتۋشى ۇيىم سانى 162-دەن 133 ۇيىمعا قىسقاردى. ەنەرگيا جەتكىزۋشى ۇيىمداردىڭ باسىم كوپشىلىگى جەكە مەنشىكتە. ولار بيۋدجەت قارجىسى ەسەبىنەن سالىنعان ەلەكتر جەلىلەرىن, يەسىز ەلەكتر جەلىلەردى جانە قۇرىلىس سالعان جەرلەردى قابىلداۋعا مۇددەلى ەمەس.
وڭىرلەردە ەلەكتر جەلىلەرىن بەرۋدە پروبلەما جەتكىلىكتى. اتاپ ايتقاندا, اكىمدىكتەر سوت يەسىز دەپ تانىعان جانە كوممۋنالدىق مەنشىككە تۇسكەن ەلەكتر جەلىلەرىن بۇدان بىلاي ەنەرگيا بەرۋشى ۇيىمداردىڭ قاراماعىنا بەرۋ جونىندە جەتكىلىكتى جۇمىس جۇرگىزبەيدى», دەدى س.مەدەباەۆ.
