ءوڭىر جاڭالىقتارى

“جولدا قابىلداۋ” جاۋاپكەرشىلىكتى ۇشتايدى اقمولا وبلىسىنىڭ ەسىل قا­لاسىندا ىشكى ىستەر مينيسترلىگىنىڭ جول پوليتسياسى كوميتەتى مەن “نۇر وتان” حالىقتىق-دەموكرا­تيا­لىق پارتياسىنىڭ بىرلەسكەن كە­زەكتى “جولدا قابىلداۋ” اكتسيا­سى وتكىزىلدى. ماڭىزدى شاراعا جول پوليتسياسى كوميتەتىنىڭ ءتورا­عاسى, پوليتسيا پولكوۆنيگى قايرات تىنىبەكوۆ, “نۇر وتان” حدپ قوعامدىق قابىلداۋ ءبولى­مىنىڭ مەڭگەرۋشىسى جۇماجان جۇكەنوۆ, رەسپۋبليكالىق جول پوليتسياسى كوميتەتى ارداگەرلەر كەڭەسىنىڭ توراعاسى سادىر ازبەرگەنوۆ, ەسىل اۋدانىنىڭ اكىمى, “نۇر وتان” پارتياسى اۋداندىق فيليالىنىڭ توراعاسى سەرگەي ەرين, وبلىستىق ءىىد باستىعىنىڭ ورىنباسارى پوليتسيا پولكوۆنيگى ساعاتبەك نۇراحمەتوۆ, اۋىلدىق وكرۋگتەر اكىمدەرى مەن پارتيا بەلسەندىلەرى, قالىڭ قاۋىم جانە باق وكىلدەرى قاتىستى. – ساپارىمىزدىڭ نەگىزگى ماقساتى ەلباسى ن.نا­زارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى قازاقستان حالقىنا جولداۋىنداعى پروفيلاكتيكالىق جۇمىستاردىڭ جالپىمەملەكەتتىك جۇيەسىن قۇرۋ تۋرالى تاپسىرماسىنا سايكەس, رەسپۋبليكامىزدىڭ ىشكى ىستەر مينيسترلىگى تاراپىنان جول قاۋىپسىزدىگىنىڭ الدىن الۋ سالاسىندا ءتيىستى شارالار اتقارىلىپ جاتقاندىعىن جۇرت­شىلىققا جەتكىزۋ, – دەيدى ق.تىنىبەكوۆ. – پو­ليتسياعا جۇكتەلگەن جۇمىستىڭ نەگىزگى ولشەمى حالىقتىڭ ىشكى ىستەر ورگانىنا سەنىمىن نىعايتۋ, سون­داي-اق, ءوز قىزمەتىندە ازاماتتاردىڭ كونستيتۋتسيالىق قۇقىعىنىڭ ساقتالۋىن قامتاماسىز ەتۋ بولىپ تابى­لادى. مۇندا قىزمەتتىڭ اشىقتىعى مەن قولجەتىمدىلىگى, وعان بۇقارانىڭ بەلسەنە ارالاسۋى تابىس تەتىگى سانالادى. سوندىقتان “جولدا قابىلداۋ” اكتسياسى قوعامنىڭ ورتاق جاۋاپكەرشىلىگىن كۇشەيتەتىنىنە سەنىمدىمىز. جول پوليتسياسى كوميتەتى 2009 جىلى اقمولا وب­لىسىنىڭ قورعالجىن, ارشالى, تسەلينوگراد, ەرەي­مەنتاۋ اۋداندارىندا جانە قاراعاندى, پاۆلودار وبلىستارىنىڭ ەلدى مەكەندەرىندە “جولدا قابىلداۋ” اكتسياسىن وتكىزگەن بولاتىن. وعان 30 مىڭنان استام ادام قاتىسىپ, 6 مىڭعا جۋىق ءوتىنىش تۇسكەن. ارىز-شاعىمداردىڭ 5400-ءى قاناعاتتاندىرىلىپ, ءتيىستى جاۋاپتار قايتارىلعان. بۇل كەزدەسۋلەر نەگىزىنەن ناسيحاتتىق سيپات السا, بۇگىنگى باسقوسۋ جۇرتشىلىقپەن اشىق پىكىر الماسۋ جانە تۇرعىنداردى جەكە ءوتىنىشى بوي­ىنشا قابىلداۋ تۇرىندە وتكىزىلدى. اۋداندىق اكىمدىك عي­ماراتىنداعى اقپاراتتىق ستەندىلەر, مەكتەپ وقۋشى­­لارىنىڭ سۋرەت كورمەسى جانە جول پوليتسيا­سى­نىڭ جاس كو­مەكشىلەرىنىڭ شاعىن كونتسەرتى جينالعاندار كوڭىلىنەن شىق­تى. سونىمەن بىرگە, ۇسىنىس-تىلەكتەر جاشىگى ورنا­تى­لىپ, سۇراۋ سالۋ پاراقشالارى تاراتىلدى. جاشىكتەر جۇرت­تىڭ كوزىنشە اشىلىپ, ارنايى قۇجاتتار رەسىمدەلدى. جينالعاندار الدىندا سويلەگەن “نۇر وتان” حدپ ورتالىق اپپاراتىنىڭ ءبولىم مەڭگەرۋشىسى جۇماجان جۇكەنوۆ پارتيا قاتارىندا 800 مىڭعا جۋىق مۇشە بارلىعىن, قازىرگى تاڭدا ساننان ساپاعا كوشۋگە ماڭىز بەرىلىپ وتىرعانىن جەتكىزدى. ەلباسى, پارتيا جەتەكشىسى ن.نازارباەۆ ءاربىر ادامنىڭ ءوتىنىش-تىلەگى, ارىز-شاعى­مى مۇقيات قارالىپ, ءتيىستى شەشىم قابىلدانۋىن تاپسى­رىپ وتىر. رەسپۋبليكامىزدا جۇرتشىلىقتى قابىلداۋ­دىڭ 258 ءبولىمى جۇمىس ىستەيدى. بيىلعى ءتورت ايدا 214 كوشپەلى قابىلداۋ ۇيىمداستىرىلعان. جۇرت­شىلىقتىڭ پارتيالىق جۇمىستى جەتىلدىرۋگە وراي ۇسىنىستارى مەن پىكىرلەرى جانە جەكە باسىنا قاتىستى ارىز-شاعىمدا­رى­نىڭ سانى بىلتىرعى سايكەس مەرزىممەن سالىستىر­عاندا 15 پايىزعا ارتقان. بۇگىنگى ءداستۇرلى شارانىڭ حالىقپەن بايلانىسىمىزدى نىعايتۋداعى ىقپالى وراسان. ويتكەنى, مەملەكەتتىك قىزمەتتىڭ وكىلدەرى حالىقتىڭ ورتاسىنا كەلىپ, ولارعا قولايلى مۇمكىندىك تۋدىرادى, وزدەرى دە جەرگىلىكتى تىرشىلىكتىڭ تىنىسىنا قانىعىپ وتىر, – دەدى ول. اكتسيانى ۇيىمداستىرۋشىلار وتكىزگەن “اشىق ەسىك” كۇنىندە ەسىل ءوڭىرىنىڭ كوپتەگەن ازاماتتارى وزدەرىن تولعاندىرىپ جۇرگەن ماسەلەلەرگە بايلانىستى ناقتى جاۋاپتار مەن تۇجىرىمدى كەڭەستەر الدى. باقبەرگەن امالبەك, اقمولا وبلىسى,  ەسىل اۋدانى. پروبلەمالاردى شەشۋدەگى سەرگەكتىك ەلباسىنىڭ بيىلعى حالىققا جول­­داۋىن ودان ءارى ناسيحاتتاۋ مەن سالاماتتى ءومىر سالتىن قالىپتاس­تى­رۋ باعىتىنداعى جۇمىستاردى ءۇي­لەستىرۋدى ماقسات ەتكەن “نۇر وتان” حالىقتىق-دەموكراتيالىق پارتياسى وبلىستىق فيليالى مەن وڭىردەگى ىشكى ىستەر دەپارتامەنتى, جول پولي­تسياسى باسقارماسىنىڭ ۇيىمداس­تى­رۋى­مەن “جولدا قابىلداۋ” اكتسيا­سى وتكىزىلدى. ەلىمىزدەگى مەملەكەتتىك بيلىكتىڭ بىردەن-ءبىر باستاۋى – حالىق دەسەك, ولاردىڭ كونستيتۋتسيانى, سوعان سايكەس زاڭداردى, وزگە دە نورما­تيۆ­تىك-قۇقىق­تىق اكتىلەردى باس­شى­لىق­قا الۋى قوعام دامۋىنداعى العى­شارت­­­تاردىڭ ءبىرى رەتىندە قاراس­تىرىلعان. “جولدا قابىلداۋ” اكتسياسى كە­زىندە وسى ماسەلەلەرگە كوڭىل بولگەن پارتيا مۇشەلەرى مەن جول پولي­تسيا­سى ينسپەكتورلارى ازاماتتارعا قۇقىقتىق كەڭەس بەرۋ جونىندەگى ارنايى بۋكلەتتەردى تاراتىپ, زاڭ شەڭبەرىندەگى جۇمىستاردى ورىستەتتى. جول بويىنداعى حالىقپەن جۇزدەسۋلەر بارىسىندا ازاماتتار­دان 40-تان اسا ءوتىنىش-شاعىم ءتۇس­كەن. ولاردىڭ اراسىندا جول پو­لي­تسياسى قىزمەتكەرلەرىنىڭ جۇ­مىسى مەن اۆتوكولىك جولدارىنىڭ بۇگىنگى جايى, جولاۋشىلار تاسى­مالداۋ بارىسىنداعى كەلەڭسىزدىك­تەر تىزبە­لەنىپ, پروبلەمالاردى شەشۋدە سەر­گەكتىك تانىتىلاتىنى مالىمدەلدى. كۇمىسجان بايجان, الماتى وبلىسى. ىسكەر ايەلدەر باس قوستى سەمەيدەگى قازاق گۋما­نيتار­لىق-زاڭگەرلىك يننوۆاتسيالىق ۋني­ۆەر­سي­تەتى پرەزيدەنت جانىن­دا­عى ايەل­دە­ر ىستەرى جانە وتبا­سى­لىق-دەموگرا­فيالىق ساياسات ءجونىن­دەگى ۇلتتىق كوميسسيا جانە شىعىس قازاقستان وبلىستىق اكىمدىگىمەن بىرلەسە وتىرىپ “قازاقستانداعى گەندەرلىك ساياسات: بيلىك جانە قو­عام” دەگەن تاقىرىپتا حالىق­ارا­لىق عىلىمي-پراكتيكالىق كونفە­رەن­تسيا وتكىزدى. كونفەرەنتسيا جۇمىسى اباي اتىنداعى سازدى-دراما تەاترىندا ۇيىمداستىرىلعان “قاناتتى ايەل – 3” كورمە-جارمەڭكەسىمەن اشىل­دى. وعان ەلىمىزدىڭ تۇكپىر-تۇكپى­رى­نەن ىسكەر ايەلدەر ازىرلەگەن تاۋار­لار قويىلدى. جارمەڭكەنىڭ ماق­سا­تى – جۇرتشىلىق نازارىن گەن­دەر­لىك ماسەلەلەرگە اۋدارۋ, ىسكەر ءاي­ەلدەردى انىقتاپ, ناسيحاتتاۋ, ولار­دىڭ شىعارماشىلىق جانە كوشباس­شىلىق مۇمكىندىكتەرىن اشۋ, حالىق­تىڭ گەندەرلىك سەزىمتالدىعىن ارت­تى­رۋ بولسا, ول ورىندالعان دا سەكىلدى. كونفەرەنتسيانىڭ نەگىزگى جۇمى­سى جوعارىدا اتالعان ۋنيۆەرسيتەتتە ءوتتى. ونىڭ جۇمىسىنا پرەزيدەنت اكىمشىلىگىنىڭ قىزمەتكەرلەرى, پرە­زيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى, پارلامەنت ءماجىلىسىنىڭ دەپۋتاتتارى, سونداي-اق حالىق­ارا­لىق جانە ۇكىمەتتىك ەمەس ۇيىم­دار­دىڭ وكىلدەرى, وتاندىق بەلگىلى عالىمدار قاتىستى. كونفەرەنتسياعا قاتىسۋشىلار رەسەي ۇكىمەتى جانىنداعى ۇلت­تار ىستەرى جونىندەگى كەڭەس پرەزي­ديۋ­مىنىڭ مۇشەسى راۋشان قانا­پيا­نوۆانىڭ, پارلامەنت ءماجىلى­سى­نىڭ دەپۋتاتى ايگۇل سولوۆەۆانىڭ, فينليانديا رەسپۋبليكاسىنىڭ ءبىز­­دىڭ ەلىمىزدەگى توتەنشە جانە وكى­لەتتى ەلشىسى ميككو كيننۋنەننىڭ سوزدەرىن زەيىن قويىپ تىڭدادى. داۋلەت سەيسەن ۇلى, سەمەي.